I-FLEX
ni Jun Nardo
IIWAN muna ni Ai Ai de las Alas ang asawang si Gerald Sibayan dahil may series of concert siya this February sa ilang casinos ayon sa post niya sa Instagram.
Inilabas ni Ai Ai ang pagbabalik sa bansa dahil sa kanyang Valentine’s Day shows – February 10 – Casino Filipino- Bacolod; Feb. 14 – Casino Filipino – Angeles; February 16 – Casino Filipino – Talisay, Cebu; at February 17 – Casino Filipino – Tagaytay.
Ipinost din ni Ai Ai ang isang artikulo sa isang online entertainment site para sabihing hindi siya lumalabas sa States ng walang lipstick, walang kilay dahil kapag nag-aalis siya ng make –up, nagpapapiktyur daw ang nakakakita sa kanya.
Gusto raw niyang maganda siya lagi sa picture dahil baka ilabas nila ito sa Facebook o ikuwento sa kaibigan na hindi lang siya sa TV maganda kundi pati sa personal, huh.
O, ‘yung nakaka-miss kay Ai Ai sa concert scene, heto na ang chance ninyong mapanood ang kabaliwan niya sa stage.