HATAW! D'yaryo ng Bayan hatawtabloid.com
I-FLEX
ni Jun Nardo
TWENTY-FOUR years na ang marriage ni Yorme Isko Moremo sa wife niyang si Dynee. Patunay ang wedding nila na wala sa haba o iksi ng engagement ang tibay ng pagmamahalan ng dalawang tao.
“Isang buwan lang kami, nagpakasal kami agad. And now, going silver na ang marriage namin. Hindi mo alam talaga at wala sa haba o iksi ang itatagal ng pagsasama ninyo,” rason ni Yorme nang makausap namin sa Scott Media Production office niya sa BGC.
Hindi lang sa married life niya masaya si Yorme. Maging sa itinayo niyang Scott Media dahil nakikilala na ito bilang isang content creators, nagbibigay ng trabaho pa sa tao.
Eh pagdating sa title ng noontime show niyang Tahanang Pinakamasaya, ano ang feeling niya sa recent developments sa titulo ng show?
“Kuntento na kami. Kilala na rin ng tao ang show. Saan man kami magpunta, sinasabi na nila ang title. Basta kami, magpapasaya lalo na sa coming segments ng show. ‘Yun na ang sinasabi ng tao,” pahayag ni Yorme.
Eh ayon pa kay Yorme, mataas pa rin ang ratings nila at hindi sila iniwan ng advertisers ng show.
“Tuloy lang ang aming pagtulong at pagpapasaya!” sambit ni Isko na soon ay mapapanod na ang mga eksena sa Black Rider nilang si Tiagong Dulas.
