HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ISANG bonggang pre-New Year party ang inihandog ni Ms. Baby Go sa kanyang mga kaibigan sa business sector at entertainment media bago nagtapos ang 2023.
Busog sa kasiyahan ang lahat ng bisita ni Madam Baby, hindi lang sa pagkain kundi sa raffle prizes at parlor games, lalo na ang showbiz press sa pampasuwerteng gift ng lady producer at businesswoman. Pero ang mas lalong ikinatuwa ng lahat ay ang pahayag ni Madam Baby na muling gagawa ng pelikula ang BG Productions Inc.
Nakagawa na ang movie company niya ng 17 pelikula, na halos lahat ay multi-awarded hindi lang dito sa atin kundi sa iba’t ibang bansa.
Kuwento niya, “May mga naka-line-up na kaming projects. Nakapag-meeting na rin kami ng production staff ko. I can confidently say that we are ready to make movies again this year.”
Ibinalita rin ng BG Productions matriarch ang collaboration nila ng Borracho Films ni Atty. Ferdinand Topacio para sa pelikulang ‘One Dinner A Week’ na pagbibidahan nina Edu Manzano, Ritz Azul, at Barbara Milano, mula sa direksiyon ni Lester Dimaranan.
Muli rin daw bubuksan ni Ms. Baby ang kanyang BG Showbiz Plus magazine. “Naniniwala pa rin ako na may market pa rin sa print,” aniya.
Present sa party ang mga kaibigan ni Madam Baby na sina Imelda Papin, Atty. Jose Villanueva at ang maybahay nito na si Malou, William Castro ng FFCCCII, at ilang members ng Chinese Chamber of Commerce, mga representatives ng Masagana Partylistt, ang officer ng Pardsss na si Oyette Banayo, at ang line producer ng BG Productions na si Dennis Evangelista.
Of course, in full support din ang mga anak, manugang at apo ni Madam Baby na sina Jean Go-Marasigan, Patty Go-Gamboa, Pamela Go-Novera, at Jerome Go. Naghandog din ng awitin sina Aileen Papin, Bamboo Bobadilla, Janah Zaplan, at ang surprise performer ng gabing yon na si Atty. Topacio.
Talagang super enjoy ang lahat that night dahil sa ipinakitang pagmamahal ni Madam Baby sa dalawang industriyang kanyang ginagalawan. “This only happens once a year. Marami pa rin tayong dapat ipagpasalamat, so our party should be memorable,” aniya pa.
Kahit na matagumpay na sa kanyang mga negosyo si Ms. Baby, malalim ang pagmamahal niya sa showbiz industry. Kaya naman tunay na inspirasyon si Madam Baby sa kanyang larangan. (Ang mga larawan kay ms Baby Go ay kuha ni Mark Nilo Odiaman).
