HATAW! D'yaryo ng Bayan hatawtabloid.com
PUSH NA’YAN
ni Ambet Nabus
HINDI talaga maiiwasang magsalita ang mga magulang ng celebrities na nasasangkot sa eskandalo.
Nariyan ang daddy ni Liza Soberano, nanay ni Andrea Brillantes, parents ni Ricci Rivero, nanay ni Daniel Padilla, nanay ni Richard Gutierrez, at ang latest nga ay ang tatay ni Sarah Lahbati.
Hindi man pinangalanan ng daddy ni Sarah ang pinatutungkulan nito sa Instagram caption nitong,“don’t mind dogs barking,” habang nakikipag-bonding sa pamilya, kasama ang asawa, anak na si Sarah at mga apo, tila si Tita Annabelle Rama umano ang pinatatamaan nito.
Parang sagot umano ito sa naging pahayag ng nanay ni Richard tungkol sa isyung hiwalayan, ang pagka-maluho ni Sarah, ang trabaho ng trabahong anak, at ang ayaw niyang pag-usapang si Sarah.
Then, lumabas na rin ang isyung magbabalik-TV muli si Sarah via Viva TV‘s Lumuhod Ka sa Lupa. Isang bagay daw na noon pa pinagtatalunan ng mag-asawa.
