TVJ, It’s Showtime bakbakan sa tanghali
ni Allan Sancon
TUMUTOK ang sambayanang Filipino lalo na ang madlang pipol at mga dabarkads sa pasabog na opening number ng inaabangang noontime show na It’s Showtime sa GTv at wala pang permanenteng title ng TVJ sa TV5kaninang tanghali.
Talagang pinaghandaan ng It’s Showtime ang kanilang opening number dahil bukod sa performances ng bawat host at ilang Kapamilya stars ay ikinagulat ng lahat ang production number kasama ang ilang mga kapuso stars. Nakikanta si Pokwang kina Jolina Magdangal at Chang Amy Perez. Gayundin naman si Mark Bautista na nakipag-trio naman kina Jugs at Teddy. Nakipag-sayaw naman sina Rayver at Rodjun Cruz kina Vhong Navarro at Jhong Hilario. Nakatutuwa namang makitang nakipag-dance showdown si Barbie Forteza kina Belle Mariano at Alexa Ilacad. Hindi naman nagpatalo ng sayaw si Sanya Lopez kay “Ate Girl” Jackie at Chie Filomena. Isa sa pasabog ng It’s Showtime ay pagkanta si Anne Curtis at ang pagsakay sa helicopter ni Vice Ganda mula sa helipad ng ABS-CBN papunta sa helipad ng GMA Network para mag-perform doon kasama ang mga empleado ng GMA.
Na-excite rin ang mga manonood sa opening number ng legit dabarkads at ng TVJ dahil bago ang kanilang production number ay legit na ipinakita sa simula ang paglilipat-bahay ng mga host bitbit ang kanilang mga gamit papunta sa TV5 Studio. Kitang-kita ang pagiging emosyonal nina Tito, Vic, at Joey habang pumapasok sa studio. Simple lang ang production number ng mga host dahil bukod sa solo spot song number ng legit dabarkads at trio song ng TVJ ay sabay-sabay nilang kinanta ang themesong ng Eat Bulaga na Mula Batanes…Hanggang Jolo, pero hindi nila binanggit ang salitang ‘Eat Bulaga’ bagkus ay ini-spell out lang ang ‘E.A.T.’ Spotted sa audience ang mga asawa at anak ng TVJ na si Eileen Macapagal at Pauleen Luna na parehong nag-iiyakan. Present din sina Mayor Vico Sotto, Danica, Oyo Boy, at Kristine Hermosa. Special guest nila ang Mega Star na si Sharon Cuneta.
