Wednesday , July 24 2024
Holding Hands

14-anyos dalagita sa Bulacan tinangay ng boyfriend, nasagip sa Laguna

Nasagip ng mga awtoridad nitong Hunyo 1 ang isang dalagita mula sa Bulacan na tinangay ng kanyang boyfriend at dinala sa bahay nito sa Pila, Laguna.

Sa ulat na ipinadala ni Police Major Abelardo Jarabello III, hepe ng Pila Municipal Police Station (MPS), kay Police Colonel Randy Glenn G. Silvio, provincial director ng Laguna PPO, ang biktima na itinago sa pangalang ‘Nene’, 14-anyos, Grade 8 pupil at residente ng P5 Blk 15 Lot 28, Residence III, Mapulang Lupa, Pandi, Bulacan.

Ang suspek ay kinilalang si Jaybee Balcita y Burda, 21, laborer at residente ng Purok 3, Brgy. San Antonio, Pila, Laguna.

Ayon kay PMaj Jarabello III, nakatanggap sila ng tawag sa telepono mula sa isang concerned citizen mula sa Pandi, Bulacan na humihingi ng tulong at ipinagbigay-alam sa kanila na si ‘Nene’ na residente ng P5 Blk 15 Lot 28, Residence III, Mapulang Lupa, Pandi ay nawawala noon pang Marso 29.

Sinabi rin ng concened citizen na ang biktima ay namataan sa bahay ng suspek sa Purok 3, Brgy. San Antonio, Pila, Laguna.

Matapos malaman ang buong detalye ay kaagad inatasan ni PMajor Jarabello III si Police Corporal Rainier Flores III, intel officer ng Pila MPS na nakipag-ugnayan naman sa mga opisyal ng barangay sa naturang lugar.

Nang puntahan ng mga awtoridad ang bahay ng suspek ay natagpuan nila dito ang biktima kasama ang mga magulang ng lalaki.

Ayon sa mga magulang ng biktima, noong una ay nagkakaroon sila ng ugnayan ng suspek sa pamamagitan ng messenger at sinasabi nito na wala na sa kanila ang biktima at hiwalay na sila.

Pero nang tanungin ni PSMS Maria Pricilla L. Reyes, may hawak ng kaso, ang biktima ay nagpahayag na may nangyari na sa kanila ng suspek habang nasa bahay nito sa nabanggit na barangay.

Dahil dito ay inaresto ang suspek at idinetine sa Pila MPS Jail habang inihahanda na ang kasong Statutory Rape na isasampa laban sa kanya sa Prosecutor’s Office.(Micka Bautista)

About Micka Bautista

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …