HATAW! D'yaryo ng Bayan hatawtabloid.com
COOL JOE!
ni Joe Barrameda
BONGGA ang mediacon ng The Write One nina Ruru Madrid at Bianca Umali. Idinaos ito sa legendary Admiral Hotel noong kabataan ko pa hanggang ngayon ay old rich ang madalas nitong mga kliyente. Mukhang renovated ang lugar dahil there was a time na pansamantala itong isinara.
Masaya at maayos na nairaos ang presscon na sa unang pagkakataon ay nag-collaborate ang GMA7 at Viu para iproduce ang nasabing serye na magsisimulang umere sa VIU sa March 18 at March 20 naman sa GMA.
First time magtambal ang real life sweethearts na sina Ruru at Bianca sa isang teleserye at nangyari nga ang pinangangambahan ko na may mga insidenteng sa taping na nag-aaway ang dalawa.
Nawala naman ang pangamba ng direktor na baka makaapekto sa trabaho nila.
Mabuti na lang daw na nagawa ng dalawa ng tama ang kani-kanilang eksena at walang nangyaring aberya.
Kasama rin sa teleserye ang real life sweethearts na sina Mikee Quitos at Paul Salas. Wala naman kaming narinig na negative sa dalawa.
Kasama rin ang ex couple na sina Lotlot de Leon at Ramon Christopher. Sila ang gaganap na mga magulang ni Ruru. This reminds me noong nanliligaw pa si Ruru kay Janine Gutierrez. Magkatambal sina Ruru at Janine noon sa teleseryeng Sherlock.
Alam ko hindi boto si Lotlot noon kay Ruru at masyado raw bata si Ruru for Janine. Mas boto siya kay Rayver Cruz.
