MARAMING tagahanga nina Maine Mendoza at Arjo Atayde ang labis-labis ang naging kasiyahan nang i-post ng paring si Fr. Jeffrey Benitez Quintela ang larawan na kasama ang dalawa sa kanyang Facebook acoount (Jeffrey Benitez Quintela/Facebook).
Sa mga litratong ibinahagi nito ay nilagyan niya ng caption na, “Preparing for FOREVER” na dinugtungan niya ng “#TheInterview.”
Hindi naman klinaro ng pari kung ang naganap na “interview” ay ang “dulog” o ang canonical interview na ginagawa ng Simbahang Katoliko sa mga nagpaplanong magpakasal para matiyak na walang mga balakid sa pag-iisang dibdib.
Pero sa post na ito ay hindi naiwasang kiligin ang mga supportive fan ng dalawa na dali-daling nagbigay ng kanya-kanyang komento at ilan nga rito ay ang mga sumusunod.
“Fr. Jeff, isa-isa mong kinakasal ang mga dabarkads.”
“May forever pag may blessing ni Fr. Jeff.”
“Congratulations in advance.”
“Happy for you Maine. Arjo please take good care of her.” (John Fontanilla)
