Cassy wish makatambal si Alden — Matagal ko na kasi siyang crush

RATED R
ni Rommel Gonzales

KUNG tatanungin si Cassy Legaspi ng Sparkle at GMA kung sino ang nais niyang maging leading man sa susunod niyang proyekto, tahasan nitong sinabi si Alden Richards.

“Number one answer ko po, si Kuya Alden,” at tumawa na tila kinikilig sa pagbanggit sa pangalan ng Pambansang Bae.

“Forever, forever answer ko is si Kuya Alden. So Kuya Alden, if you’re watching now…”

Bakit si Alden?

“Well first of all he’s a very good actor and he’s Alden… he’s Alden!

“And ayun po, I’ve always had, I’ve had a crush on him since before,” pag-amin ni Cassy.

Alam ba ni Alden may crush si Cassy sa kanya?

“Hindi po ako sure,” ang patuloy na tumatawang sagot ni Cassy, “sana po hindi!”

Ngayon malalaman na ni Alden, “Oh no!

“But yeah ayun, so baka po, eto po ‘yung idea na isini-share ko, wow! Baka naman,” ang kuwelang panawagan pa ni Cassy na pagtambalin sila ni Alden ng GMA.

Sa All-Out Sundays pa lamang nakakatrabaho ni Cassy si Alden pero sa isang serye o acting project ay never pa.

“Hello GMA, kaway-kaway,” kuwelang emote pa ni Cassy.

Samantala, gaganap si Cassy bilang si Ingrid na estudyanteng biktima ng sexual harrasment sa musical film na Ako Si Ninoy na palabas na ngayon sa mga sinehan.

And yes, umawit si Cassy sa pelikula at naitawid naman niya.

Sa panulat at direksiyon ni Vince Tañada at mula sa PhilStagers Films, bida sa Ako Si Ninoy si JK Labajo bilang si Benigno “Ninoy” Aquino at kasama rin sa cast sina Joaquin Domagoso bilang si Yosef, Sarah Holmes bilang Cory Aquino, Johnrey Rivas bilang Noli, Marlo Mortel bilang si Quentin, Bodjie Pascua bilang si Nanding, Nicole Asensio na napakahusay bilang Miss Nuñez at marami pang iba.