Tuesday , July 16 2024
Lotlot de Leon Nora Aunor

LOTLOT ‘DI TOTOONG ‘DI DINALAW SI NORA NOONG PASKO;
Gusot sa pamilya umaasang maaayos

RATED R
ni Rommel Gonzales

MAGKASABAY kami ni Lotlot de Leon na pumunta sa presscon ng That Boy In The Dark at sa sasakyan pa lang ay sinabi na namin sa kanya na tiyak na uusisain siya tungkol sa isyu nina Matet de Leon at ng mommy nilang si Nora Aunor.

Ito ay ang naging mainit na isyu na pagkakaroon ng tuyo in a bottle business ni Nora kahit na may naunang kaparehong produkto si Matet na naging dahilan ng hidwaan ng Superstar at ng kapatid ni Lotlot.

True enough, iyon ang unang naitanong kay Lotlot matapos ang panel interview sa members of the cast ng That Boy In The Dark na kinabibilangan nina Joaquin Domagoso, Glydel Mercado, Aneeza Gutierrez, at Kiko Ipapo.

“Alam niyo naman pagdating sa pamilya walang panalo.

“I guess it’s a matter of looking at the bigger picture. May dahilan ang lahat. That’s how I look at it na lang. I hope eventually maayos ang dapat maayos.”

Pumapagitna ba si Lotlot sa hidwaan ng mommy nila at ng kapatid niya, o may kinakampihan ba siya?

“Ganito na lang. Wala sa kapatid ko ang masasama ang ugali. Lahat ng kapatid ko, sina Ian, si Ken, Matet, sobrang magaganda ang puso niyan kasi si mommy din ang nagturo sa kanila na maging maganda ang puso.

“Ang mga kapatid ko are all good people and willing to sacrifice.

”Minsan kung may mga nabibitawang salita maybe that’s because of whatever pain, miscommunication, ‘yung mga natatago ba na hindi nasasabi.

“But family is family and at the end of the day wala namang hindi naaayos.”

Hindi na nila napag-uusapan ni Matet ang tungkol sa isyu.

“Parang okay naman siya. Tahimik lang siya. Nagbatian kami ng Merry Christmas. You know proseso ‘yan, eh. Hindi ko puwedeng sabihin kay Matet kung anong dapat niyang maramdaman. Kanya -kanya tayo.”

At isang paglilinaw, hindi totoo na hindi man lamang pinuntahan ni Lotlot ang Superstar noong Pasko.

Pagkagaling nina Lotlot at mister niyang si Fadi El-Soury sa mga anak nina Lotlot at Ramon Christopher na sina Janine, Jessica, Diego, at Maxine Gutierrez ay pupunta dapat sina Lotlot at Fadi sa bahay ng Superstar pero si Nora na mismo ang nagsabi sa kanya na huwag na dahil masama ang kanyang pakiramdam at ayaw nitong mahawa iyon ng kanyang sakit.

Kuwento pa nga ni Lotlot, “Nagkita kami ni mommy bago mag-Pasko. Previous to that ilang beses na rin kami nagkita.

“During Christmas eve I spent the eve with the kids, after I called [my mom] I said can I drop by and then sabi niya masama pakiramdam niya so, sabi ko ‘pag okay na lang siya.”

Kaya huwag naman sanang akusahan si Lotlot na kesyo hindi man lamang niya dinalaw ang mommy niya noong Pasko dahil malinaw na ang mommy niya ang nagsabi kay Lotlot na huwag itong pumunta.

Anyway, sa January 8 ang showing ng pelikulang That Boy In The Dark.

Ang pelikula ay sa direksiyon ni Adolf Alix, Jr at produced ng manager ni Joaquin na si Daddy Wowie Roxas, sa panulat ni Gina Marissa Tagasa.

About Rommel Gonzales

Check Also

Maris Racal Rico Blanco Anthony Jennings

Maris nilinis pangalan ni Anthony; Rico pinagtagpo pero hindi itinadhana

SHOWBIZ KONEKni Maricris Valdez Nicasio “ANTHONY is out of the picture.” Ito ang agad na nilinaw …

Bini SB19 Flow G

SB19, Bini pinadagundong ang Araneta, Puregold’s Thanksgiving Concert star studded

SHOWBIZ KONEKni Maricris Valdez Nicasio NAKABIBINGI at parang nasira ang aming ear drum sa sobrang …

Alden Richards It’s Showtime

Alden nagkaroon ng biglaang meet & greet sa It’s Showtime 

I-FLEXni Jun Nardo INAKYAT ni Alden Richards ang itaas na bahagi ng It’s Showtime studio nang mag-guest siya sa …

Blind Item, Matinee Idol, Mystery Man

Male Starlet walang maipagmalaking project kahit nakakontrata sa isang kompanya

ni Ed de Leon ANG bagay nga sigurong project para sa isang male starlet ay “Bata. Bata …

James Reid Issa Pressman

James Reid lipas na, inulan ng panlalait sa internet 

HATAWANni Ed de Leon KAWAWA rin naman si James Reid kung noong panahon ng kanyang kasikatan ay …