MATABIL
ni John Fontanilla
ALL smile ang lead actor ng international awardwinning movie na That Boy In The Dark na si Joaquin Domagoso habang nagkukuwento kung gaano ka-bibo ang kanyang anak na si Scott Angelo Domagoso.
Tsika ni Joaquin sa mediacon ng That Boy In The Dark kamakailan, “He’s not shy at all. Kahit sino nakita niya, ngingiti ‘yan. Manang-mana sa daddy niya,” nakangiting pagbabahagi ng batang aktor sa kanyang anak.
At nang matanong ito na baka namana ni Scott Angelo ang kabibohan nito sa kanyang lolong si Yorme Isko Moreno ay mariin naman nitong sinabi na sa kanya nagmana ang anak, “Hindi! sa akin. Daddy talaga ‘yun. Ako talaga ‘yung bibo eh. ‘Yung baby ko, laging nakangiti.”
Samantala, excited na si Joaquin sa nalalapit na pagpapalabas sa mga sinehan ng kanyang pinagbibidahang pelikulang That Boy In The Dark na nagbigay sa kanyang ng ilang best actor award sa iba’t ibang award giving bodies sa buong mundo.
Kaya naman super promote ito ng nasabing movie na mapapanood na sa mga sinehan nationwide simula January 8, 2023.Makakasama nito sina Glydel Mercado at anak na si Aneeza Gutierrez, Lotlot de Leon, Ramon Christopher, Nanding Josef, at Kiko Ipapo, mula sa direksiyon ni Adolf Alix Jr..
