HATAW! D'yaryo ng Bayan hatawtabloid.com
Final Standings: (150 participants)
8.0 points—IM Michael Concio Jr., IM Ronald Dableo, IM Angelo Abundo Young
7.5 points—IM Daniel Quizon
7.0 points—Rowell Roque, FM Jeth Romy Morado, NM Prince Mark Aquino, NM Christian Mark Daluz, Kevin Mirano
6.5 points—WIM Marie Antoinette San Diego, FM David Elorta , NM Noel Dela Cruz , Chester Neil Reyes
MANILA — Nanaig si International Master Michael Concio, Jr., kontra kay Woman International Master Marie Antoinette San Diego sa ninth at final round para makopo ang titulo sa katataos na 6th Edition of Kamatyas Rapid Invitational Chess Tournament 2022 dubbed as Chess Avengers na ginanap sa 3rd floor, Building B, SM Sucat sa Parañaque City nitong Sabado, 10 Disyembre.
Matapos matalo kay International Master Ronald Dableo sa sixth round ay nakabalik sa kontensiyon si Concio matapos talunin sina FIDE Master Jeth Romy Morado, National Master Christian Mark Daluz, at San Diego sa kanyang huling tatlong laro.
Ito ang kailangan ni Concio para makopo ang korona na may highest output 8.0 points sa nine outings.
Naibulsa niya ang P30,000 sa kanyang efforts sa FIDE rated tournament na sanctioned ng National Chess Federation of the Philippines.
Si Concio ay tumapos ng triple tie kina Dableo at International Master Angelo Abundo Young na may similar 8.0 points ngunit nasungkit ni Concio ang top honors dahil sa virtue ng higher tie-breaker.
Naiuwi nina Dableo at Young ang P10,000 at P7,000 para sa second at third, ayon sa pagkakasunod.
Sa katunayan ay lamang si Dableo ng isang puntos patungo sa last round ngunit natalo kay Young.
“I am very happy with this victory,” sabi ng 17-anyos na si Concio, Grade 12 student sa Dasmariñas Integrated High School na suportado ang kampanya nina Rep. Elpidio “Pidi” Barzaga, Mayor Jenny Barzaga, National Coach FIDE Master Roel Abelgas, Mr. Martin Meneses, at Papadu Sportswear.
Nakopo ni International Master Daniel Quizon ang solo fourth na may 7.5 points, sinundan nina Rowell Roque, Morado, National Master Prince Mark Aquino, Mark Daluz, at Kevin Mirano na may tig 7.0 points.
Nasa tenth place si San Diego na may 6.5 points gaya nina FIDE Master David Elorta, National Master NM Noel Dela Cruz, at Chester Neil Reyes ngunit nakamit ng una (San Diego) ang tenth spot dahil sa superior quotient.
Una rito ay pinangunahan nina Kamatyas Chess Club co-founding head David Almirol, Jr., Kamatyas Chess Club president International Master Roderick Nava, San Diego, at 13-time Philippine Open Champion Grandmaster Rogelio “Joey” Antonio, Jr., ang pagsasagawa ng ceremonial moves bilang hudyat ng pagbubukas ng one-day rapid tournament na sinaksihan nina International Arbiter Reden Cruz, FIDE National Arbiter Byron Gabrentina Villar, National Arbiters Boyet Tardecilla, at Fedinand “Ferdie” Reyes, Sr., ng Philippine Arbiters Chess Confederation. (MARLON BERNARDINO)
