Monday , March 4 2024
Imee Marcos Pinakbest Chef Reggie Aspiras

PinakBest! ni Sen Imee siksik sa recipe at makukulay na kuwento ng pagkain

MASARAP at healthy. Kaya hindi na ako magtataka kung paborito rin ni Sen Imee Marcos ang Dinengdeng tulad ng kanyang amang si dating Pangulong Ferdinand Marcos ang pagkaing ito. 

Ang dinengdeng ay sikat na pagkain ng mga Ilocano na may pakakahawig sa pinakbet. Mas kakaunti lamang ang gulay nito kompara sa pinakbet at mas maraming bagoong.  

At ang Dinengdeng ni Pangulong Macoy ay walang bagoong kundi pinapalitan ito ng tulya o halaan  na siyang pampaalat.

At alam n’yo bang kung pagkain si Sen. Imee isa siyang Dinengdeng din dahil nga sobrang paborito niya ito.

Napag-usapan ang paboritong pagkain ni Sen Imee sa paglulunsad ng kanyang librong PinakBest! Sa librong ito’y matututo kayo ng iba’t ibang recipes na hindi lang basta masarap, siksik din sa maganda at makukulay na kuwento na pupuno sa ating puso. Ibabahagi ni Senator Imee ang kanyang first-ever cookbook, ang PinakBest! Recipes mula sa Marcos Kitchen and More. Isa rin itong recipe book na nagbibigay pugay sa mga favorite dish ng pamilya Marcos.

Traditonal food na mas pinasarap pa sa paglalagay ng mga paborito mong ingredients, all-time favorite comfort food na mas nagiging espesyal at mas masarap dahil nagiging parte na ng family tradition. Mga putahe na malapit sa puso at magpapaalala ng mga simple at masasayang panahon kasama ang pamilya.  

Ibabahagi ni Sen. Imee ang isang detalyado at step-by-step procedure sa pagluluto ng mga favorite dish ng kanilang pamilya. Ilan sa mga recipe ay mga Filipino favorite  tulad ng Okoy, Dinengdeng, at Ginataang Kinilaw, na mula sa mga probinsiya ng kanilang magulang, sina Pangulong Ferdinand at First Lady Imelda Marcos, ang Ilocos Norte at Leyte.

Bukod sa mga matututunang recipes, ibinahagi rin ni Sen. Imee sa PinakBest! ang mga kuwento sa bawat putahe at kung paano ito nagbigay ng happy memory na pinahahalagahan ng Marcos family. Mula sa pagluluto ni Macoy ng Okoy para sa mga kaibigan, sa pag-aabang ng first lady ng mga bagong huli na isda sa baybayin ng Leyte, hanggang sa pagkain ng mga anak ni Sen. Imee ng mga oyster habang nasa bakasyon sa France.

Mababasa rin sa libro ang isang foreword at mga additional cooking tips ni Chef Reggie Aspiras, isang matalik na kaibigan at kapwa-Ilokano ng mga Marcos. Ang PinakBest! ay hindi lang isang libro ng mga recipe  pero isang memoir na isinulat ni Sen. Imee na nagpapahalaga sa history ng kanilang pamilya, tradisyon, malapit nilang pagsasama, at siyempre ang pagmamahal nila sa masarap na pagkain.

Matuto nang higit pa sa pagluluto ng mga paborito mong putahe at alamin din ang ganda, obra at makukulay na kuwento na naibabahagi ng pagkain. Kaya grab a copy ng PinakBest! Recipes from the Marcos Kitchen and more. (MVN)

About Maricris Valdez Nicasio

Check Also

Coco Martin Sandaran Park

Sandara at Coco pinag-uusapan proyektong pagsasamahan

MATABILni John Fontanilla NASA bansa ngayon ang KPop artist na si Sandaran Park para sa promotion ng …

JK Labajo

JK Labajo naloka nawawalang underwear ibinebenta online triple pa ang presyo

MA at PAni Rommel Placente SA eksklusibong panayam ng PEP.ph sa singer-actor na si JK  Labajo, naikuwento niya …

Tom Rodriguez

Tom sa pagbabalik-showbiz: I feel buo na uli ako

MA at PAni Rommel Placente MAHIGIT dalawang taon ding namalagi sa America si Tom Rodriquez, na …

Sofia Pablo Eras Tour Taylor Swift

Sofia nabogus sa Eras Tour ni Taylor Swift

BIKTIMA ng bogus ticket seller ang Sparkle artist na si Sofia Pablo para sa Eras Tour ni Taylor Swift sa Singapore. Maaga …

Kelvin Miranda

Kelvin tinuligsa pagnguya ng gum habang nasa stage

I-FLEXni Jun Nardo HUWAG gawing dahilan ni Kelvin Miranda ang pagtago sa kanyang nerbiyos kaya siya ngumunguya …