Richard Yap may mga asawa ang nakakapareha, sinasadya ba?

I-FLEX
ni Jun Nardo

ANG series ni Carmina Villaroel na Abot Kamay Na Pangarap ang papalit sa GMA afternoon drama na Apoy Sa Langit na isa sa bida ay si Zoren Legaspi.

Ang bongga lang ng mag-asawa dahil alaga sila ng GMA Network.

Sa series na ito muling magbabalik Kapuso si Dominic Ochoa. Siya ang makakabangga si Richard Yap na bahagi rin ng series.

Kapansin-pansin na may asawa rin ang naging kapareha ni Richard sa unang GMA series na I Left My Heart In Sorsogon, si Heart Evangelista. Ngayon, may asawa rin ang kapareha niyang si Carmina.

Sinasadya kaya ni Richard na may asawa na dapat ang kapareha niya sa gagawing Kapuso series?  Dahil kaya may asawa na rin siya? Hehehe!