HATAW! D'yaryo ng Bayan hatawtabloid.com
PATULOY na ipinadiriwang ng Philippine Sports Commission (PSC) ang tagumpay ng national team sa katatapos na 31st Southeast Asian Games na ginanap sa Hanoi, Vietnam.
Ang espesyal na episode ng PSC’s ‘Rise UP! Shape Up! nung sabado na may titulong Step Forward with Steph” ay tampok ang SEA Games award-winning dancesport duo nina Stephanie Sabalo at Michael Angelo Marquez.
Sa webisode ay ipinamalas ang ‘graceful movements’ nina Sabalo at Marquez na siyang nanguna sa Dancesport Clinic kasama ang mga kababaihan na may iba’t ibang edad sa isang maliit na komunidad sa Bay, Laguna.
Ang tandem nina Sabalo at Marquez ang namuno sa Philiippines’ dancesports team sa isang matagumpay na SEA Games stint nang sungkitin nila ang unang gintong medalya ng bansa sa Latin Cha Cha event samantalang silver naman sila sa Latin Five at Five Dances.
Sa 2019 Philippines SEA Games, ang tambalan nila ay nakasungkit din ng gold medal sa Five Dances Latin at Paso Double at silver sa Kaunas Open na ginanap sa Lithuania. Ang dynamic dance team ay umangat nang husto sa dancesport at umani ng respeto sa global audience.
Nasisiyahan naman si PSC Women in Sports Oversight Commissioner Celia H. Kiram dahil ang duo nina Sabalo at Marquez ay nagkaroon ng oras para ipakita ang basic steps sa dancesport para sa kababaihan sa Bay, Laguna.
“It means a lot that they are sharing their expertise on dancesport because it is one way of inspiring young girls and women to enjoy the sport. This is a way to introduce the sport on the ground as well as show Philippine sports excellence in action,” pahayag ni Comm. Kiram.
Magbabahagi rin si Kiram ng ‘interesting and fun facts’ sa sayaw sa kanyang regular segment na “K-Isport.”
