Wednesday , October 5 2022

Bayanihan, hindi kulungan, gabay sa bakuna — Solon

KULTURA ng Bayanihan, at hindi ang takot na maaresto kapag tumanggi sa bakuna, ang dapat mangi­babaw upang maging ganap na mata­gumpay ang pagbabakuna sa mga Filipino laban sa CoVid-19.

Ayon kay Senador Panfilo Lacson, dapat maisip ng publiko na higit na mahalaga ang bakunang kanilang matatanggap dahil siguradong protek­siyon ito, hindi lamang sa kanila kundi sa mga taong makasasalamuha nila – na magreresulta sa pagsigla ng ekonomiya.

“We should get vaccinated not so much due to the fear of being arrested if we refuse, but because we have the Bayanihan spirit: we want to do our part to protect those around us, we want to do our part to achieve herd immunity, and we want to do our part to finally end the threat posed by the pandemic on our health and on our economy,” apela ni Lacson.

Nitong nakaraang Lunes, inihayag ni Pangulong Rodrigo Duterte na maaari niyang ipaaresto ang matitigas ang ulo na ayaw magpabakuna.

Muli rin ipinaalala ng mambabatas ang kanyang apela sa publiko na pagtiwalaan ang mga bakuna laban sa CoVid-19, at sa pamahalaan para sa mas maayos na implemen­tasyon ng programa ng pagbabakuna.

“For the people, this means trusting the vaccination process and helping achieve herd immunity early, so the economy can recover. For government, this means being transparent and exercising restraint in spending our already severely limited resources,” banggit ng senador.

Aniya, ang pagsisikap ng pamahalaan tungo sa mas matinong programa sa pagbabakuna ay dapat suklian ng publiko ng pagtitiwala sa bisa nito laban sa CoVid-19.

“That said, if we see that our authorities are showing efforts in getting the job done effectively and efficiently, then we can do no less by getting the jab done,” dugtong ni Lacson.  (NIÑO ACLAN)

About Niño Aclan

Check Also

arrest posas

2 manggagantso timbog sa bitag

HINDI na nakapalag ang dalawang indibiduwal na kapwa mga residente sa Cavite nang arestohin ng …

100422 Hataw Frontpage

Binangga ng SUV saka pinagbabaril riding-in tandem sa Las Piñas
BETERANONG BRODKASTER, KOLUMNISTA ITINUMBA

ni MANNY ALCALA PINAGBABARIL hanggang mapatay ang isang beteranong hard-hitting broadcaster at kolumnista sa diyaryo …

Ika-33 taon ng kooperatiba sa Bulacan ipinagdiwang

Ika-33 taon ng kooperatiba sa Bulacan ipinagdiwang

SA layuning pagkaisahin at isulong ang lahat ng mga koopertiba sa buong lalawigan, sinimulan ng …

Bulacan Recuers Luksang Parangal

Pagkilala at pinansiyal na suporta bumuhos sa limang rescuers na nasawi sa Bulacan

BUMUHOS ang mga pagkilala at pinansiyal na suporta para sa mga bayaning tagapagligtas sa ginanap …

Sta maria Bulacan Police PNP

Pusher na 67-anyos na lolo, kinalawit sa ibibiyaheng ‘bato’

KAHIT malapit ng lubugan ng araw ay nagagawa pa ng isang lolo na gumawa ng …

Leave a Reply