Thursday , February 9 2023
YANIG ni Bong Ramos
YANIG ni Bong Ramos

Health protocols implementation lalong humihigpit (Bakunado dumarami)

YANIG
ni Bong Ramos

SA RAMI ng mga kababayan nating nabakunahan na ay mas lalo naman yatang humihigpit ang ating gobyerno sa pagpapatupad ng health protocols na dapat sana ay luwagan nang konti.

Tila hindi hulma o tugma ang kalakarang ginagawa ng administrasyon na dapat ay nagluluwag na sa health protocols base sa bilang ng mga nabakunahan.

Iyan nga ang rason kung kaya’t minamadali na ang pagpapabakuna para sa lahat ng Pinoy dahil ito ang malakas na proteksiyon laban sa CoVid-19.

Lumalabas na balewala rin ang mga bakunang itinurok sa ating katawan kung mananatili ang takot at pangamba sa mga mamamayan dahil sa health protocol na patuloy na ipinapatupad ng ating gobyerno bakunado man o hindi.

Halos mahigit isang taon na ang pandemya ngunit walang ipinagbago sa pagsunod sa health protocols gayong nandito na ang mga bakuna na sinasabi nilang lunas o dili kaya’y proteksiyon laban sa virus.

Imbes magluwag, maski na unti-unti ay lalo pang hinigpitan sa mga health protocol ang mamamayan sa kabila ng pagdating ng mga bakuna.

Hindi kaya masyadong over-protective na ang ating gobyerno sa mga mamamayan? Pamimihasain na lang bang palagi na sumunod sa mga health prorocol ang ating mga kababayan na simula pa lang ay iyon at iyon pa rin?

Kailan kaya nila malalaman kung talagang epektibo ang mga bakunang itinurok sa kanilang mga katawan gayong wala namang ibang nababago sa kanilang ipina-patupad.

Mantakin ninyong ultimo face shield ay patuloy pang ipinapagamit sa mga kababayan natin gayong may facemask pa rin naman na obligadong isuot saan man at ninoman.

Hanggang kailan kaya mababalot ng takot at pangamba ang taongbayan sa kabila ng pagdating ng mga bakuna na kung saan-saang bansa nagmula?

No guts, no glory dahil kailangan nating makipag-sapalaran sa anomang sitwa­syon na dumating sa ating buhay. Iwaksi muna natin ang takot at pangamba para sa buong bansa.

Hindi kasi tayo aasenso at hindi rin aandar ang ating ekonomiya kung mananatiling takot na hindi malayong makasanayan na rin natin.

There’s no harm in trying at dapat natin isipin na hindi ibibigay sa atin ng Diyos kung hindi makakayanan.

Huwag nating beybehin ang virus dahil siguradong igugupo tayo nito. Nasa paniniwala rin natin kung paano malalampasan at mapag­tatagumpayan ang  pinagdaraanan. Kaya natin ito!

About Bong Ramos

Check Also

AKSYON AGAD ni Almar Danguilan

Orihinal na hari ng lansangan, puwede pang ipasada

AKSYON AGADni Almar Danguilan GOOD NEWS ba ang ‘ika n’yo? Yes my dear Filipino brothers …

Dragon Lady Amor Virata

Pahirap talaga ang taas-pasahe

Isumbong mokay DRAGON LADYni Amor Virata MALUNGKOT na balita para sa ating mga kababayan ang …

AKSYON AGAD ni Almar Danguilan

 ‘Pangil’ ng LTO,  nagagamit na sa tamang paraan

AKSYON AGADni Almar Danguilan KAPANSIN-PANSIN ngayon ang ‘tapang’ ng Land Transportation Office (LTO) sa mabilisang …

Dragon Lady Amor Virata

LGUs Laging Walang Pondo

Isumbong mokay DRAGON LADYni Amor Virata SAKIT na yata ng local government units (LGUs) na …

Dragon Lady Amor Virata

Renta sa loob ng police detention cell, buking

Isumbong mokay DRAGON LADYni Amor Virata KAMAKAILAN, nabuking natin ang Pasay City Police na sa …

Leave a Reply