Friday , January 21 2022
dead gun police

Presidente ng PATODA itinumba

PINAGBABARIL hanggang napatay ang presidente ng Payatas Tricycle Operator and Drivers Association (PATODA) habang sakay ng kaniyang minamanehong tricycle ng iding-in-tandemsa Quezon City, nitong Linggo ng gabi.
 
Ang biktima ay kinilalang si Rogelio Macapanas, 51, may asawa, tricycle driver, presidente ng PATODA, tubong Eastern Samar at residente sa Daisy St., Barangay Payatas, Quezon City. Siya ay namatay noon din sanhi ng maraming tama ng bala sa katwan.
 
Sa report ng Criminal Investigation and Detection Unit ng Quezon City Police District (CIDU-QCPD), dakong 6:30 pm, 25 Abril, nang maganap ang pananambang sa Honasan St., kanto ng Everlasting Barangay Payatas A, sa lungsod.
 
Batay sa imbestigasyon ni P/Cpl. Angel Pascasio III, lulan ang biktima ng kaniyang minamanehong tricycle at ihahatid ang kaniyang dalawang pasahero.
 
Habang binabaybay ni Macapanas ang kahabaan ng kalye Honasan, biglang sumulpot ang isang motorsiklo sakay ang dalawang nakamaskarang lalaki sa kaniyang daraanan at agad pinagbabaril ang biktima.
 
Nang makitang duguang nakabulagta si Macapanas agad tumakas ang mga suspek patungo sa direksiyon ng Upper Jasmine St., sa nasabing barangay.
 
Nang umalis na ang mga suspek, agad humingi ng saklolo si Christian Harbisi sa mga tanod upang dalhin sa East Avenue Medical Center ang isa sa mga pasahero ng biktima na tinamaan ng ligaw na bala.
 
Masusing iniimbestigahan ng mga awtoridad kung may kinalaman bilang pangulo ng PATODA ang pananambang laban sa biktima. (ALMAR DANGUILAN)

About Almar Danguilan

Check Also

DOH Kalinga Kit

CoVid-19 home care kit suportado ni Bong Go

SUPORTADO ni Senador Christopher Lawrence “Bong” Go, Chairman ng Senate Committee on Health ang hakbangin …

P2.26-B NGP fund gamitin sa trabaho ng mga sinalanta ng bagyong Odette

“ANG bultong pondong P2.26 bilyon para sa reforestation ay dapat mapunta sa mga lugar na …

Presyo ng swab tests pahirap sa mahirap

“ANG presyo ng CoVid-19 swab test ay hindi nakaukit sa bato, at ang mga panuntunan …

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations …

Gun Fire

Bagger binaril

KRITIKAL ang kalagayan sa pagamutan ng isang bagger makaraang barilin ng hindi kilalang suspek habang …

Leave a Reply