Wednesday , January 19 2022

14 law violators timbog sa buy bust, manhunt ops

ARESTADO ang 14 kataong lumabag sa batas sa magkakaibang anti-illegal drugs at manhunt operations ng pulisya sa lalawigan ng Bulacan hanggang Miyerkoles ng umaga, 17 Marso.

Ayon kay P/Col. Lawrence Cajipe, provincial director ng Bulacan Police Provincial Office, kumagat ang walong suspek sa ikinasang buy bust ng mga operatiba ng San Jose Del Monte City, Calumpit, Marilao, at Pandi police stations.

Kinilala ang mga nadakip na suspek na sina Zosimo de Leon, alyas Ed De Leon ng Brgy. Bagong Buhay 3; Norlito Gulmatico ng Brgy. Assumption; Mary Rose Nabo ng Brgy. Minuyan Proper, pawang sa lungsod ng San Jose del Monte; Michael Martin, alyas Panot, ng Brgy. Longos, Calumpit; Jonalyn Bayer, alyas Mika, at Michael Mendiola, kapwa residente sa Brgy. Iba Ibayo, Hagonoy; Kristian Llapitan ng Brgy. Abangan Sur, Marilao, kabilang sa drug watchlist ng Marilao MPS; Rodrigo Ramos, residente sa Brgy. Bagong Barrio, Pandi na subject din ng search warrant.

Nasamsam ang may kabuuang 18 selyadong plastic sachets ng hinihinalang shabu at buy bust money mula sa mga suspek na ngayon ay nahaharap sa mga kasong kriminal na idudulog sa korte.

Samantala, nadakip ang anim na suspek sa inilatag na manhunt operations ng tracker teams ng Guiguinto, Malolos, Meycauayan, Pulilan, San Rafael, Sta. Maria, 1st Provincial Mobile Force Company (1st PMFC), at Criminal Investigation and Detection Croup (CIDG).

Kinilala ang mga suspek na sina Anacito Saoy, MWP Provincial Level, residente sa Brgy. Bangkal, lungsod ng Malolos, na inaresto sa kasong Rape; Krizza Mae Montecalbo, ng Brgy. Langka, lungsod ng Meycauayan, sa paglabag sa RA 9262 (Anti-Violence against Women and Their Children); Oscar Santos ng Brgy. Tabe, Guiguinto para sa kasong Acts of Lasciviousness kaugnay sa RA 7610 (Child Abuse Law); Joel Lasala ng Brgy. San Juan, Balagtas, para sa Reckless Imprudence Resulting in Homicide; Reynalyn de Leon ng Brgy. Dampol 2nd, Pulilan sa kasong Homicide; at Leny Gutierrez ng Brgy. Santor, ng lungsod ng Malolos, may kasong Falsification by Private Individual at Use by Falsified Documents.

Kasalukuyang nasa kustodiya ng kani-kanilang police unit/office para sa kinauukulang disposisyon ang mga nadakip na akusado. (M. BAUTISTA)

About Micka Bautista

Check Also

Huli sa aktong nagtutupada
7 KATAO TIMBOG SA TANAY, RIZAL

PITO katao ang nadakip nang mahuli sa aktong nagtutupada, malinaw na paglabag sa anti-gambling operation, …

dead gun

Sympathizer ni Bayali
LALAKI ‘NANLABAN’ TODAS SA SAGUPAAN

PATAY ang isang lalaking sympathizer ni Abu Sayyaf Group sub-leader Pasil Bayali, matapos makipagbarilan laban …

money Covid-19 vaccine

Saan napunta?
P70.92-B INUTANG NG PH PAMBILI NG BAKUNA

ni ROSE NOVENARIO UMABOT sa P70,92 bilyon ang inutang ng administrasyong Duterte mula sa apat …

4 COP binalasa sa Rizal

KAUGNAY sa nalalapit na lokal at pambansang halalan, binalasa ang apat na chief of police …

Edwin Moreno photo Sa San Mateo, Rizal P.7-M ‘obats’ nasabat sa 3 HVT

Sa San Mateo, Rizal
P.7-M ‘OBATS’ NASABAT SA 3 HVT

NADAKIP ang tatlong pinaniniwalaang high value target (HVT) nang makompiskahan ng P700,000 halaga ng ilegal …

Leave a Reply