Friday , January 21 2022
arrest prison

Misis pinana ex-convict na mister arestado

NAHAHARAP sa sapin-saping kaso ang isang mister matapos ireklamo ng pagmaltrato sa kanyang asawa na muntik na niyang patayin habang lango sa alak sa kanilang bahay sa bayan ng Norzagaray, lalawigan ng Bulacan, nitong Martes, 16 Marso.

Sa ulat mula kay P/Lt. Col. Avelino Protacio, hepe ng Norzagaray Municipal Police Station (MPS), kinilala ang ang arestadong suspek na si Edgardo Lakandula, isang ex-convict sa kasong Robbery at residente sa Brgy. FVR, sa nasabing bayan.

Nahaharap si Lakan­dula sa kasong Attempted Parricide na may kaugnayan sa RA 9262 (Anti-Violence against Women and Their Children), BP 6 (Concealing Deadly Weapon) at paglabag sa RA 9165 (Dangerous Drug Act).

Ayon sa ulat, habang kargado ng alak at lasing na lasing ay kinuha ng suspek ang kanyang tirador at balang palaso, saka iniumang at iniulos sa kanyang misis na sa kabutihang palad ay nagmintis at tumama sa pader.

Nagmamadaling naka­labas ng bahay ang misis at nakahingi ng saklolo sa mga awtoridad na dagliang nagresponde na nagresulta sa pagkaaresto ng suspek.

Matapos maaresto, nasamsam sa pag-iingat ng suspek ang limang matutulis na pana, kitchen knife, at dalawang sachets ng hinihinalang shabu.

Napag-alamang hindi lamang ito ang unang pagkakataon na pinana ng suspek ang kanyang maybahay kundi malimit gawin kapag nalalasing.

(MICKA BAUTISTA)

About Micka Bautista

Check Also

DOH Kalinga Kit

CoVid-19 home care kit suportado ni Bong Go

SUPORTADO ni Senador Christopher Lawrence “Bong” Go, Chairman ng Senate Committee on Health ang hakbangin …

P2.26-B NGP fund gamitin sa trabaho ng mga sinalanta ng bagyong Odette

“ANG bultong pondong P2.26 bilyon para sa reforestation ay dapat mapunta sa mga lugar na …

Presyo ng swab tests pahirap sa mahirap

“ANG presyo ng CoVid-19 swab test ay hindi nakaukit sa bato, at ang mga panuntunan …

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations …

Gun Fire

Bagger binaril

KRITIKAL ang kalagayan sa pagamutan ng isang bagger makaraang barilin ng hindi kilalang suspek habang …

Leave a Reply