Friday , January 21 2022

Kambal, kuya, 1 pa nalunod sa ilog (DOA sa Bataan hospital)

HINDI nakaligtas sa pagkalunod ang 11-anyos magkapatid na kambal, ang kanilang 13-anyos na kaibigan, at ang kaedad na kaibigan sa Almacen River sa bayan ng Hermosa, lalawigan ng Bataan, nitong Martes ng hapon, 16 Marso.

Sa police report na inilabas noong Martes ng gabi, kinilala ni P/Maj. Jeffrey Onde, hepe ng Hermosa police, ang mga biktimang kambal na sina AC at AJ Magtanong, kapwa 11 anyos; Reynalyn Magtanong, 13 anyos, nakatatandang kapatid ng kambal; at Gabriel Santos, 11 anyos, pawang residente sa Brgy. A. Rivera, sa nabanggit na bayan.

Ani Onde, maaring hindi napansin ng mga bata na natatangay na sila sa malalim na bahagi ng ilog, na ayon sa mga residente ay may 10 talampakang lalim.

Idineklarang dead on arrival ang mga biktima sa Orani District Hospital.

Sa panayam sa mga magulang ng mga biktima kahapon Miyerkoles, 17 Marso, hindi nila matanggap ang maagang pagkawala ng kanilang mga anak.

Ani Maria Clarice Sibayan, ina ni Santos, hindi nagpaalam ang kanyang anak na magtutungo sa ilog.

Ayon din kay Rosalie Magtanong, ina ng kambal, tumakas umano ang kanyang tatlong anak dahil sinabihan niya silang matulog.

Aniya, nasa Grade 6 ang kambal na sina AC at AJ na magdiriwang ng kanilang ika-12 kaarawan sa 26 Marso.

Nabatid na tumulong ang mga operator ng mga nirerentahang bangka sa Brgy. Almacen sa search and rescue operations para sa mga biktima kasama ang Hermosa Municipal Disaster Risk Reduction and Management Office (MDRRMO) at iba pang mga residenteng nasa lugar.

About hataw tabloid

Check Also

DOH Kalinga Kit

CoVid-19 home care kit suportado ni Bong Go

SUPORTADO ni Senador Christopher Lawrence “Bong” Go, Chairman ng Senate Committee on Health ang hakbangin …

P2.26-B NGP fund gamitin sa trabaho ng mga sinalanta ng bagyong Odette

“ANG bultong pondong P2.26 bilyon para sa reforestation ay dapat mapunta sa mga lugar na …

Presyo ng swab tests pahirap sa mahirap

“ANG presyo ng CoVid-19 swab test ay hindi nakaukit sa bato, at ang mga panuntunan …

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations …

Gun Fire

Bagger binaril

KRITIKAL ang kalagayan sa pagamutan ng isang bagger makaraang barilin ng hindi kilalang suspek habang …

Leave a Reply