Thursday , July 7 2022

Milktea shop sa Glorietta 2 aksidenteng nasunog — BFP

HINDI arson kundi aksidente ang nangyaring sunog sa Coco Milktea Shop nitong Linggo ng gabi sa Glorietta 2 Ayala Center sa nasabing lungsod.

Lumitaw sa isinagawang imbestigasyon ng mga tauhan ng Makati City Bureau Fire Protection na aksidente ang nangyaring sunog sa Coco Milktea Shop nitong Linggo ng gabi at hindi sinadya.

Sinabi ni F02 Lester Batalla, arson investigator ng BFP, nag-acetylene cutting ang ilang trabahador ngunit pagsindi sa hose ay nagliyab hanggang nag-backfire at bumalik sa tangke na kinaroroonan ng kemikal na nagliyab sa hagdanan kung saan sila nagkukumpuni.

Dagdag ni Batalla, tapos na ang kanilang isinagawang imbestigasyon sa insidente ng sunog na umabot sa unang alarma.

Aniya, ipina­susumite ng mga kaukulang doku­mento ang may-ari ng Coco Milktea upang mabatid na may pahintulot na magtatayo sila ng nasabing esta­blisimiyento.

“Kailangan po namin makita ‘yung mga dokumento para mabatid namin na legal ang kanilang pagpapatayo o business nila,” anang arson investigator.

Nagkaroon ng minor injury si Raymund Tacderan, 37, ng Purok 5, Bugtong St., Lipa City matapos madapa nang magtakbuhan ang mga tao.

Halos nag-panic ang lib0-libong tao sa loob ng Glorietta 2 nang maganap ang sunog sa ground floor nito nang lamunin ng apoy ang nasabing establisimiyento.

Dakong 6:20 pm nang sumiklab ang apoy sa Barangay Lorenzo ng lungsod.

Naapula ang sunog dakong 6:30 pm at wala naman naiulat na nasawi.  (JAJA GARCIA)

About Jaja Garcia

Check Also

Ambeth Ocampo Ella Cruz

Pinoy historian umentra sa pasabog ni Ella

HATAWANni Ed de Leon ANG lakas ng tawa namin nang makita sa isang social media …

Tirso Cruz III Johnny Revilla Bongbong Marcos BBM

Tirso Cruz III bagong FDCP chair, Johnny Revilla sa MTRCB

UMAGA pa lang kahapon, July 5 umugong na ang balitang pinalitan na si Liza Dino Seguerra bilang Film …

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

dead gun

Convenience store nilooban
KAWATAN BULAGTA SA ENKUWENTRO, KASABWAT NAKAPUSLIT

NAPATAY ng mg aawtoridad matapos manlaban ang isang armadong lalaking pinaniniwalaang nanloob sa isang convenience …

Leave a Reply