Saturday , June 15 2024
Students school

Brigada Eskwela umarangkada na

BILANG paghahanda sa pagbubukas ng klase sa darating na Hunyo, naki­bahagi ang Metro­politan Manila Development Authority (MMDA) sa programa ng Department of Education (DepEd) na paglilinis ng mga silid-aralan at iba pang pasi­lidad sa ilang pampu­blikong eskuwelahan sa Metro Manila.

Ayon kay MMDA Chairman Danilo Lim, 400 tauhan ng Metro Parkways Clearing Group (MPCG) ang itinalaga ngayong araw sa 20 pampublikong paaralan sa Metro Manila para sa Balik Eskwela program.

“Buhay na buhay ang diwa ng bayanihan sa aktibidad na ito. Han­dang handa na ang ating mga tauhan na umasiste sa mga pampublikong esku­we­­la­han na humingi ng tulong sa atin para sa malinis at ligtas na lugar para sa mga estudyante,” ani Lim.

Ayon sa hepe ng MPCG na si Francis Marti­nez, nasa 15 tauhan ng MPCG ang naka-assign sa bawat paaralan.

Isa sa mga gagawin ng mga tauhan ng MPCG ang paglilinis ng paligid ng eskwelahan; pag-aayos ng mga upuan, mesa, pader, at iba pa; pagti-trim ng puno at paglalagay ng mga halaman, pag-aalis ng mga tuyong dahon sa mga drainage; at pagpi­pinta ng mga pedestrian lane markings depende sa hiling ng pamunuan ng eskwelahan, ani Martinez.

Aniya magbibigay ng dust pans na gawa sa ini-recycle na lata ng mantika sa ilang pam­publikong paaralan.

Ilan sa mga esku­welahang aayusin ng MMDA ang Palanan Elementary School at Bangkal High School sa Makati; Panghulo National High School, at Concepcion Technical Vocational School sa Malabon; Timoteo Paez Elementary School at Pasay City National High School sa Pasay; Juan Luna Elementary School at Antonio Maceda Inte­grated School sa Maynila; Sto. Cristo Elementary School at Holy Spirit National High School Annex sa Quezon City.

Ang Brigada Esku­wela ay taunang main­tenance program ng DepEd na nagtatagal nang isang linggo. Layu­nin nitong ipagsama-sama ang mga guro, magulang, at iba pang stakeholders para magsa­gawa ng clean-up sa mga pampublikong esku­welahan sa elementarya at sekondarya.  (JAJA GARCIA)

About Jaja Garcia

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *