WALANG kamali-malisya si Daniel Padilla sa pagsasabi na ‘patigas ng patigas’ ang relasyon nila ni Kathryn Bernardo dahil sa walang sawang pagsuporta ng kanilang mga tagahanga.
Puwedeng isipin na ang gustong tukuyin ng aktor ay ‘going strong’ ang relasyon nila. Rito bumalik ang tsika na hindi raw nakabubuo ng isang pangungusap ang aktor sa wikang English dahil hindi ito nakapagtapos ng high school man lang. Lalong tumindi ang aming paniniwala na hindi paninira ang tsikang ‘yun sa aktor dahil siya mismo ang umaming malaking hamon sa kanya ang papel sa Barcelona, A Love Untold dahil karamihan sa kanyang mga eksena ay nagsasalita siya ng English.
Inamin nitong bobo siya sa English kaya naman umabot siya ng 400 takes sa mga eksenang kailangang magsalita ng Ingles. Isang dahilan ito para ‘yung mga mahahabang linya ay inigsian para maayos na mai-deliver ng aktor.
Well, hindi man nakapagtapos ang aktor ay well- blessed naman siya dahil sa ngayong henerasyon ay siya ang pinakasikat, left and right ang endorsements at sunod-sunod ang shows. Idagdag pa ang kanilang kinita ni Kathryn noong nakaraang election bilang endorser ni Mar Roxas.
And speaking of Barcelona, malapit na itong ipalabas sa mga sinehan nationwide, kaya lang, gaano naman katotoo ang tsikang ‘lukewarm’ umano ang reception ng madlang pipol sa movie?
STARNEWS UPLOAD – Alex Datu
