KINOMPIRMA ni Alaska Milk head coach Alex Compton ang pagbabalik ng beteranong import na si Rob Dozier para sa PBA Commissioner’s Cup na magsisimula sa Pebrero.
Si Dozier ay naging import ng Aces nang nagkampeon sila sa torneong ito noong 2013 at nakuha niya ang parangal bilang Best Import.
Nakabalik siya noong 2014 ngunit natalo ang Alaska sa semifinals kontra San Mig Coffee (ngayon ay Purefoods Star).
Hindi naglaro si Dozier sa huling Commissioner’s Cup dahil sumabak siya sa isang liga sa Dubai at imbes ay si Damion James ang nakuha kaya natalo ang Alaska sa quarterfinals kontra Star.
Nagpapahinga ngayon ang mga bata ni Compton bago ang semis.
( James Ty III )
