Friday , March 29 2024

‘Laro Tayo’ inilunsad ng Accel Quantum Plus

112715 larong pinoy Accel Willy Ortiz

TINALAKAY ni ACCEL president Mr. Willie Ortiz sa lingguhang PSA Forum sa Shakey’s Malate na buhayin ang katutubong larong pinoy sa kanilang inilunsad na ‘Laro Tayo’ na dapat itaguyod at muling pasiglahin na sinusuportahan ng ACCEL Quantum Plus. ( HENRY T . VARGAS )

INILUNSAD ng pangunahing Pinoy sport apparel Accel Quantum Plus ang adhikaing may layuning ibalik ang popularidad ng mga tradisyonal na larong Pinoy, kabilang ang tumbang-preso, luksong kalabaw, patintero at luksong-tinik, para isulong ang halaga ng kalusugan sa kabataang Pinoy.

Sa gitna ng paglaganap ng internet at social media, nais ng Accel na mapigilan ang paglalaho ng mga larong pambata na dating kinagigiliwan ng mga sinuanang kabataan bago ang henerasyon ng mga computer at makabagong teknolohiya.

“Ang ating kabataan ay nalululong na sa pagkalikot ng kanilang mga gadget o paglalaro sa mga internet café nang mahabang oras,” punto ni Accel president Willy Ortiz.

“Nabawasan na ang pisikal na akitibidad sa kanilang ginagawa kaya dapat nating ibalik ang mga tradisyonal na laro,” dagdag ni Ortiz.

Binansagang ‘Laro Tayo,’ nangangalap ngayon ang Accel ng suporta sa proyekto mula sa iba’t ibang eskuwelahan para mabigyang atensiyon ang halaga ng ehersisyo sa mga kabataan sa pamamagitan ng mga traditional childhood games.

Sa nakalipas na 15 taon, sinuportahan ng Accel ang maraming atletang Pinoy sa kanilang pagpupunyaging mabigyan ng karangalan ang bansa sa pandaigdigang entablado ng palakasan.

Ilan sa mga atletang naging kabalikat ng Accel ay sina Pambansang Kamao Manny Pacquiao, PBA star Mark Caguiao at basketbolistang si Asi taulava. Bahagi rin sa mga proyekto at programa ng Pinoy sports apparel sina Youth Olympics gold medalist Gab Moreno ng archery, Gilas Pilipinas standout Chieffy Calindong at ang Triggerman Allan Caidic bilang endorser ng kompanya.

 

Kinalap ni Tracy Cabrera

About Tracy Cabrera

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *