This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
ZAMBOANGA CITY – Umakyat na sa 16 ang bilang ng mga namatay sa panig ng Abu Sayyaf group (ASG) habang nasa 35 ang napaulat na sugatan sa sagupaan mula pa kamakalawa sa bulubunduking bahagi ng Brgy. Tanum sa munisipyo ng Patikul sa lalawigan ng Sulu.
Ito ay base sa pinakabagong ulat na inilabas ng Armed Forces of the Philippines (AFP) habang patuloy ang pagtugis ng mga sundalo sa tumatakas na grupo na nagresulta sa palitan ng putok sa lugar.
Ang sagupaan ay nagdulot din nang pagkamatay ng dalawang Army Scout Rangers at pagkasugat ng 16 iba pang mga kasapi ng 2nd Scout Ranger Battalion at 16th Special Forces Company.
Una rito, sa report ng Joint Task Group (JTG) Sulu, dakong 9:20 a.m. kamakalawa nang maka-enkwentro ng tropa ng 2nd Scout Ranger Battalion at 16th Special Forces Company ang humigit kumulang sa 300 Abu Sayyaf sa ilalim ni ASG Commander Hajan Sawadjaan.
Umabot sa halos tatlong oras ang bakbakan na nagresulta sa malaking bilang ng mga casualty mula sa tropa ng pamahalaan at mga bandidong Abu Sayyaf.
ZAMBOANGA CITY – Umakyat na sa 16 ang bilang ng mga namatay sa panig ng Abu Sayyaf group (ASG) habang nasa 35 ang napaulat na sugatan sa sagupaan mula pa kamakalawa sa bulubunduking bahagi ng Brgy. Tanum sa munisipyo ng Patikul sa lalawigan ng Sulu.
