This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
HINDI dapat makasama sa mga nominado para sa pinakaaasam na Nobel Peace Prize si Pangulong Benigno Aquino III dahil nasa mga kamay niya ang dugo ng Fallen 44.
Ito ang paliwanag ni Mary Urduja Li, isang concerned netizen na nagpasimuno ng online petition na “NO! to the nomination of President Aquino for a Nobel peace Prize” sa Change.org. na may layuning mangalap ng libo-libong lagda ng netizens para maipadala sa Norwegian Nobel Institute sa Oslo, Norway.
Aniya ang pagkamatay ng Fallen 44 ay dulot ng palpak na operasyon kontra-terorismo sa Mindanao.
Ang masamang planong ito aniya ay nagresulta sa pagmasaker sa elite forces na tinadtad ng mga kalaban, at mas kinakampihan pa ng Pangulo ang MILF.
“Their Blood are on his hands! Do not allow the death of the 44 Elite troops to be used as his trophies as a nominee to this much coveted prize!” sabi sa petisyon.
Habang ang iba pang petisyon sa Change.org kaugnay sa Fallen 44 ay ang “Reward for the Death of Marwan should be given directly to the families of 44 killed and 11 wounded PNP-SAF” ni Lei Asuque-Talvo, ang “Name Streets After SAF 44” ni Glenn Valerio, at ang “Stop DSWD from receiving donations on behalf of SAF 44” ng THEPHILBIZNEWS.
HINDI dapat makasama sa mga nominado para sa pinakaaasam na Nobel Peace Prize si Pangulong Benigno Aquino III dahil nasa mga kamay niya ang dugo ng Fallen 44.
