Friday , March 29 2024

Sugatang SAF hinakot  sa ‘Parangal’ ni Pnoy (Kahit ‘di pa nakarerekober)

FRONTKAHIT hindi pa ganap na nakarekober sa sugat sa katawan at isipan, ‘hinakot’ kahapon ang mga survivor at sugatang tropa ng Special Action Force na sumabak sa Mamasapano, Maguindanao, para bigyan ng parangal ni Pangulong Benigno Aquino III.

Sa isang simpleng seremonya sa President’s Hall sa Malacañang na ikinubli sa media, pinagkalooban ng Pangulo ng plake ng kagitingan at medalya ng sugatang magiting ang mga nakaligtas sa madugong bakbakan ng SAF at pinagsanib na pwersa ng Moro Islamic Liberation Front (MILF) at Bangsamoro Islamic Freedom Fighters (BIFF) noong Enero 25 sa Mamasapano na ikinamatay ng 44 pwersa ng SAF at ikinasugat ng 12 pa.

Itinaboy ng mga miyembro ng Presidential Security Group (PSG) ang mga cameraman na nagtangkang kunan ng video ang mga bus na sakay ang mga survivor habang papasok sa gate ng Palasyo.

Kabilang sa nakatanggap ng pagkilala at medalya ang survivor na si PO2 Christopher Lalan na nagtago sa mga water lily sa ilog habang binabaril siya ng mga sniper.

Nagpasalamat si Pangulong Aquino sa kagitingang ipinamalas ng SAF members sa pagtupad nila sa kanilang tungkulin.

Naging mga saksi sa okasyon sina PNP officer in charge Leonardo Espina, DILG Sec. Mar Roxas at Defense Sec. Voltaire Gazmin.

Tatanggap sa Marwan Bounty ‘di prayoridad — Palasyo

NILINAW ng Malacañang na hindi prayoridad ngayon ang issue ng reward money na ibibigay ng Estados Unidos na nagkakahalaga ng $5 milyon o katumbas ng mahigit P200 milyon.

Ito ang sinabi ng Malacañang sa harap ng paglabas ng balita na kinompirma na ng Federal Bureau of Investigation (FBI) ng Estados Unidos, na si Zulkifli Binhir alyas Marwan ang napatay ng mga miyembro ng Philippine National Police-Special Action Force (PNP-SAF).

Sinabi ni Communications Sec. Sonny Coloma, ang tinututukan ng pamahalaan ngayon ay ang pag-alam ng buong katotohanan, paggawad ng katarungan sa mga napatay na SAF comandos, at pagbibigay ng suporta sa mga naiwang pamilya ng mga biktima.

Una rito, ipinanukala ng ilang mambabatas na ibigay na lamang sa mga naulilang pamilya ang pabuya makaraan mapatay si Marwan.

 Rose Novenario

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *