This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
ITINANGGI ng top MILF commander na kasama siya sa mga nagbakbakan sa Mamasapano, Ma-guindanao na ikinamatay ng 44 PNP-SAF.
Pahayag ni 118th Base Commader Ustadz Abdulwahid, mas kilala bilang Wahid Tundok, hindi siya kasali maging ang kanyang mga tauhan sa enkwentro.
Matatandaan, sinabi ni dating PNP-SAF Chief Leocadio Santiago, kabilang si Tundok sa responsable sa madugong ope-rasyon sa Mamasapano kasama ang 105th Base Command.
Ngunit sinabi ni Tundok, inutusan niya ang kanyang mga tauhan na huwag kumilos at manatili sa kanilang mga posisyon.
Ang tanging naging partisipasyon lamang aniya ay nang lapitan siya ng Coordinating Committee on the Cessation of Hostilities (CCCH) at International Monitoring Team (IMT) at sinabing itigil ang bakbakan.
Napahinto aniya ang putukan at kasama pang umuwi ang mga taga-CCCH at IMT.
Pagtataka ni Tundok, bakit nakasali ang kanilang pangalan sa mga nakipagbakbakan.
