This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
ARESTADO ang tatlong hinihinalang miyembro ng ‘ipit gang’ nang makahingi ng tulong ang saksi sa mga pulis na nagsasagawa ng dry-run sa pagdating ng Santo Papa, makaraan maaktuhan ang pagdukot sa babaeng biktima kamakalawa sa Pasay City.
Kinilala ni Pasay City Police Officer in Charge, Sr. Supt. Sidney Hernia ang tatlong suspek na sina Rolando Casadio, 49; Francisco Apolinario, 37; at Charlie Lopez, 52, pawang taga Cavite.
Inireklamo sa pulisya ang tatlong suspek ng biktimang si Eve Regine Calira, 23, ticketing officer ng Air-asia, ng Adelle 3, Unit 2, Dona Victoria, Santiago Subd., Sta. Monica, Novaliches, Quezon City.
Sa ulat ng pulisya, habang nagsasanay ang mga awtoridad na pinamumunuan ni Senior Inspector Allan Mercado, sa harap ng Toyota Manila Bay sa EDSA, Pasay City, nang mapansin nila ang pagkakagulo sa loob ng isang bus.
Ayon kay Mercado, habang tumatakbo ang bus ay narinig nila ang isang pasahero na si Ronilo habang sumisigaw.
Agad hinabol ni Sr. Insp. Mercado kasama si SPO1 Nestor Rubel, ang bus at nasakote ang tatlomg suspek na positibong itinuro nina Ronilo at Calira.
ARESTADO ang tatlong hinihinalang miyembro ng ‘ipit gang’ nang makahingi ng tulong ang saksi sa mga pulis na nagsasagawa ng dry-run sa pagdating ng Santo Papa, makaraan maaktuhan ang pagdukot sa babaeng biktima kamakalawa sa Pasay City.
