This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
NADAKIP makaraan magtago sa batas nang mahigit sa tatlong taon ang isang 38-anyos lalaking suspek sa pagpugot ng ulo ng kanyang live-in partner, nang matagpuan sa pinagtataguang lugar sa Sitio Amilig, Brgy. Balaynan, Goa, Camarines Sur.
Ang nadakip na suspek na itinala bilang number 4 most wanted person sa bayan ng Donya Remedios Trinidad, sa Bulacan ay kinilalang si Sonny Guevarra, naninirahan sa nasabing lugar.
Naaresto ang suspek dakong 1 p.m. kamakalawa sa bisa ng arrest order na inisyu ni Judge Basilio R. Gabo, Jr. ng Regional Trial Court, Branch 11, sa Malolos City, Bulacan, sa ilalim ng Criminal Case Number 1680-M-2012 para sa kasong murder.
Ayon sa rekord ng pulisya, si Guevarra ang pangunahing suspek sa pagpaslang sa pamamagitan ng pagpugot sa ulo ng biktimang si Celia Gumban noong Nobyembre 12, 2011 sa kanilang bahay sa Brgy. Camachili, sa bayan ng Donya Remedios Trinidad, sa Bulacan, makaraan silang magtalo sa hindi nabatid na dahilan.
NADAKIP makaraan magtago sa batas nang mahigit sa tatlong taon ang isang 38-anyos lalaking suspek sa pagpugot ng ulo ng kanyang live-in partner, nang matagpuan sa pinagtataguang lugar sa Sitio Amilig, Brgy. Balaynan, Goa, Camarines Sur.
