ni Ronnie Carrasco III
[divider]
NOW it’s official: ang nakakulong na si Senator Jinggoy Estrada ang nagkompirmang tatakbo siya bilang Vice President sa darating na 2016 presidential and national elections.
Of course, hindi ito musika sa tenga ng mga anti-pork barrel scammers. Ano pa raw at gusto pang manungkulan ni Jinggoy sa pamahalaan, samantalang sangkot nga siya sa kasong pandarambong?
Pero taliwas ang aming opinyon. Let Jinggoy run for VP. Una, karapatan naman niya ito like any qualified Filipino citizen. Ikalawa, his senatorial aroma is diminished, bumaho na nga ito kaya let him scatter fragrance sa mas mataas na puwesto.
As they say, kung may kaaway ka ay sa dalawang bagay mo lang siya ipagduldulan: casino at politika.
Let Jinggoy spend more than a fortune sa kanyang kampanya up to his last centavo, tingnan lang natin kung saang kangkungan siya pulutin.
Akala siguro ng binansagang “Sexy,” claiming his victory this early is a window for self-vindication. Sana lang, huwag pairalin ng karamihan sa atin ang pagkakaroon ng short memory, bagkus let the PDAF scam memoirs imitate well-preserved photos in our albums na laging magpapaalala sa atin ng pinakamalaking krimen ever committed against a nation.
Jinggoy bilang VP? Oo, as in Very Pathetic.
