Negosyante dinukot sa Maynila

TINANGAY ng anim armadong lalaki ang isang negosyante sa tapat ng kanyang bahay sa Arellano St., kanto ng Fortuna St., Brgy. 627, Zone 63, Ramon Magsaysay Blvd., Sta. Mesa, Maynila kahapon.

Sa impormasyon mula kay Manila Police District (MPD) Sta. Mesa station (PS 8) commander, Chief Supt. Redentor Ulsano, dakong 1 a.m. nang lumabas ng kanilang bahay ang biktimang si Alberto “Jack” Chung,   40, upang pumasok sa pag-aari niyang Chunics Building sa R.M. Blvd.

Ngunit biglang  huminto ang isang itim na SUV at sapilitang isinakay ng mga armado ang biktima.

Bago umalis ay tinutukan ng baril ng mga suspek ang mga kumakain sa katapat na karinderya.

Nakita sa CCTV footage ang isang itim na Mitsubishi Adventure (TVG 696) na huminto sa bahay ni Chung at hinihinalang dito isinakay ang biktima.

ni LEONARD BASILIO