NAKADEHADO ang kalahok na si Winter’s Tale na sinakyan ni Toper Tamano sa naganap na “PHILRACOM Summer Racing Festival”.
Sa unang dalawang kuwartos ay hinayaan muna ni Toper na magkabakbakan sa harapan sina Joeymeister, Handsome Prince, Matang Tubig at Malaya.
Pagpasok ng ultimo kuwarto ay ginalawan na niya si Winter’s Tale, kaya pagsungaw sa rektahan ay buong-buo sila na rumemate at may kalahating katawan pa nilang tinalo si Malaya pagdating sa meta.
