Romeo ‘di makalalaro dahil sa injury
HINDI na makakalaro ang rookie ng Globalport na si Terrence Romeo sa mga natitirang laro ng Batang Pier sa PBA Commissioner’s Cup.
Kinompirma ng ahente ni Romeo na si Nino Reyes na may sakit sa likod ang dating hotshot ng FEU Tamaraws na kailangang ipahinga.
Idinagdag ni Reyes na tanggal na sa kontensiyon ang Globalport mula sa quarterfinals kaya maganda para kay Romeo na ipagpahinga ang kanyang likod.
Hindi sumipot si Romeo sa Obstacle Challenge ng PBA All-Star Weekend noong Biyernes dahil sa kanyang pilay.
“He’s been playing through pain. We have no other choice but to rest him and prepare him for the next conference,” wika ni Reyes sa panayam ng www.spin.ph. “Basta all we want is to tell the fans that Terrence is injured and he needs to rest. He’s been playing through it (sakit).”
Nagpapagaling ngayon si Romeo sa NRMF Hospital sa Fairview, Quezon City. (James Ty III)
