Saturday , May 25 2024

Big Chill, Hog’s Breath Llamado sa laban

KAPWA pinapaboran ang Big Chill at Hog’s Breath Cafe kontra mga naghihingalong kalaban sa  2013-14  PBA D-League Aspirants Cup mamayang hapon sa Blue Eagle Gym sa Quezon City.

Makakaharap ng Big Chill ang Arellano University/Air 21 sa ganap na 2 pm. Makakasagupa naman ng Hog’s Breath Cafe ang Derulo Accelero sa ganap na 4 pm.

Ang Hog’s Breath Cafe ang tanging koponang hindi pa nakakatikim ng kabiguan  sa torneo. Nakapagposte na sila ng anim na sunud-sunod na tagumpay.

Magkaganito man ay ayaw ni coach Caloy Garcia na magkompiyansa nang husto ang Razorback dahil alam niya na puwedeng magising ang Derulo Accelero at makapagbigay ng magandang laban.

Ang Oiler,  na hawak ni coach Paolo Mendoza, ay may iisang panalo sa walong laro at ito ay kontra sa Arellano\Air 21 (82-75).

Sa tagumpay na iyon ay nagbida si Raul Soyud na nagtapos nang may double-double performance. Umaasa si Mendoza na si Soyud ay makakakuha ng magandang suporta sa kanyang mga kakampi.

Ang Hog’s Breath ay pinamumunuan ng mga Letran College players na sina Jonathan Belorio, Kevin Racal, Jamal Gabawan at Ford Ruaya.

Ang Big Chill ay nasa ikalawang  puwesto sa record na 6-1 matapos na matalo sa defending champion NLEX Road Warriors.

Si Big Chill coach Robert Sison ay sumasandig sa mga ex-pros na sina Khasim Mirza at Jason Ballesteros.

(SABRINA PASCUA)

About hataw tabloid

Check Also

Richard Villaseran Michael Jan Stephen Rosalem Iñigo

5 King’s Gambit Online Chess School bets kalipikado sa Palarong Pambansa

MANILA — Ipinakita ng King’s Gambit Online Chess School ni Coach Richard Villaseran kung bakit …

Benhur Abalos Hopeful Stakes Race bida si Amazing

Hopeful Stakes Race bida si Amazing

ni Marlon Bernardino NAGING sentro ng atraksiyon ang kabayong si Amazing matapos mamayagpag sa 2024 …

Sasabak sa SEABA qualifiers SUPORTADO NI CAYETANO GILAS PILIPINAS UNDER-18 WOMENS BASKETBALL TEAM

Sasabak sa SEABA qualifiers
SUPORTADO NI CAYETANO GILAS PILIPINAS  UNDER-18 WOMEN’S BASKETBALL TEAM

MANILA, Philippines – Buo ang suporta ni Senator Pia Cayetano sa koponan ng Gilas Pilipinas …

Labog kampeon sa 9th leg ng PCAP Champions League Open chess tilt

Labog kampeon sa 9th leg ng PCAP Champions League Open chess tilt

MANILA — Nagkampeon si Marc Kevin Labog ng Solano, Nueva Vizcaya sa 9th leg ng …

2024 Philracom 1st leg ng Triple Crown nakopo ng kabayong si Ghost

2024 Philracom 1st leg ng Triple Crown nakopo ng kabayong si Ghost

NAKOPO ng dehadong kabayo na si Ghost ang 2024 Philippine Racing Commission (Philracom) 1st Leg …

Leave a Reply

Your email address will not be published. Required fields are marked *