HATAW! D'yaryo ng Bayan hatawtabloid.com
NANANATILING Kapamilya star si Francis Magundayao kahit part siya ng cast ng programang Parang Normal Activity na ipinalalabas sa TV5.
Alam naman daw ng Star Magic ang tungkol dito at since wala naman daw regular show ang young actor sa Dos ay tinanggap nila ito pati na ang indie movie na kasalukuyan niyang ginagawa entitled Pagkatapos Ng Umaga, sa direksiyon ni GM Aposaga at pinagbibidahan ng bagong child star na si AJ Ocampo.
Kasama rin dito sina Irma Adlawan, Dianne Medina, Jeff Gaitan, Maria Isabel Lopez, Kyline Alcantara, Jong Cuenco, at Princess Flores.
Nang tanungin namin si Francis kung kumusta na sila ng young actress na si Elisse Joson na napabalitang naging girlfriend niya, mabilis niyang itinangging naging sila at hanggang ngayon ay friends pa rin naman daw sila.
Hindi naman niya itinago ang pagka-crush sa dating leading-lady sa pelikulang Ewan Ko Sa’Yo, Saranghaeyo na si Barbie Forteza.
YUN NA – Mildred Bacud
