Vision ni Bongbong trabaho para sa taumbayan

NANG magdesisyon si Senator Bongbong Marcos na tumakbong bise presidente, malinaw sa kanya kung ano ang puwede niyang gawin.

Kaya nga deklarado at klaro, sa loob ng 100 araw bilang bagong bise presidente ng susunod na administrasyon, gagawin niyang magkaroon ng maraming trabaho bansa. 

Ibig sabihin, tumbok na tumbok niya ang pangunahing suliranin ng mga manggagawa at kung ano ang kaukulang solusyon para rito. 

Hindi na rin tayo nagtaka kung bakit nang minsang interbyuhin siya at tinanong kung anong ahensiya ang gusto niyang hawakan, ang sagot niya, Department of Labor and Employment (DOLE).

 Naniniwala kasi si Bongbong na talagang kailangang gumawa ng hakbang ang pamahalaan upang magkaroon ng trabaho ang 1.2 milyong bagong graduates sa kolehiyo na papasok bilang bagong puwersa ng mga manggagawa. 

Para magkaroon ng maraming trabaho para sa mga Filipino na hindi nabigyan ng trabaho ng kasalukuyang administrasyon kailangan maglunsad ng “business-driven” infrastructure projects ang susunod na administrasyon.

Aniya, “Kapag infrastructure, ang tinutukoy ko ay hindi mga kalsada o tulay, kundi mga paaralan, power generation plants, water system, at ang internet service na tayo ang pinakamakupad sa buong Asya.”

Nasa e-world na nga naman tayo, at karamihan ng negosyante ay nakikipagtransaksiyon sa pamamagitan ng e-commerce, e kung kukupad-kupad nga naman ang ating internet, paano uunlad ang komersiyo sa bansa?!         

Internet nga naman ang kailangan ituring ng pamahalaan bilang napakahalagang impraestruktura sa komunikasyon at negosyo.

Sabi niya ang Filipinas ang may pinakamabagal na takbo ng internet kaparis ng Afghanistan, ayon sa ulat ng internet speed testing company Ookla nitong 2015. 

Malinaw ang punto ni Bongbong.

Bukod diyan, tinukoy niya na habang ang pamahalaan ay nagbibigay ng maaliwalas na takbo ng negosyo, dapat tinitiyak din ng pamahalaan na nabibigyan ng proteksiyon ang mga manggagawa sa pamamagitan ng wasto at tapat na implementasyon ng mga batas-paggawa sa Filipinas.

Ang mga isyung ‘yan ang tiniyak ni Bongbong na pagtutuunan niya ng pansin sa unang 100 araw nng kanyang pagiging bise presidente ng susunod na pangulo ng Filipinas.       

Naniniwala si Bongbong na kayang gawin ang kanyang mga binabanggit.

Idiniin niya, na siya ang bise-presidenteng mayroong pakialam at mayroong konkretong ginagawa para sa mamamayang Filipino.

Sa kanyang mga pahayag hinggil sa trabaho, napansin nating naiiba si Bongbong sa mga tumatakbo sa pagka-bise presidente at maging sa presidente dahil mayroon siyang tinukoy na aksiyon upang totoong mabibigyan ng maraming trabaho ang Filipino na walang trabaho.

Saan ka pa?!

Bongbong na!

Kaso ni Menorca sa CA moot and academic na

Wala nang saysay o silbi. Huli na. Para que?

Iyan ang pinakasimpleng kahulugan ng katagang “moot and academic” na madalas nating marinig sa mga talakayang legal.

Halimbawa, may matinding bali-balita noon na si FPJ ang totoong nanalong Presidente laban kay GMA. nagkadayaan lang daw dahil sa “Hello Garci.”

Pero “moot and academic” na ang pagpapaupo kay FPJ kahit nanalo pa dahil iniwan na niya tayo at sumakabilang-buhay na ang idolo ng masa. 

Huli na ang lahat o “moot and academic na” ang naturang isyu.

Lumutang muli ang usaping “moot and academic” nang magharap sa Court of Appeals ang mga abodago ng sinipa ‘este’ itiniwalag na dating ministro ng Iglesia Ni Cristo na si Lowell Menorca II at mga tagapagtanggol ng liderato ng INC.

Matatandaang nagsampa ng kasong “habeas corpus” ang kapatid ni Menorca laban sa INC dahil ikinulong, itinago at idinetine umano ng Iglesia si Lowell at mga miyembro ng kaniyang pamilya. 

Itinuturo raw siyang nagsiwalat ng katiwalian sa loob ng simbahan. Iginiit ng mga abogado ng INC na “moot and academic” na ang paghingi ng “habeas corpus” sa korte dahil wala naman talaga sa poder ng Iglesia at sinipa na nga nila sa simbahan si Menorca. 

Hindi ba’t nagpapa-interbyu pa si Menorca dati at malayang nakagagalaw kung saan-saan?

Para que ang habeas corpus e hindi naman pala siya itinatago ng INC? 

Oo nga naman, nagtatago si Menorca ngayon pero dahil sa sandamakmak na kasong libelo at adultery na kinakaharap niya ngayon, hindi dahil ilegal siyang kinukupkop ng INC.

Tama nga naman ang punto ng Iglesia. 

Wala nang halaga ang paghingi ng “habeas corpus” sa Court of Appeals. Gaya ng naunang pag-dismiss ng DOJ sa lahat ng reklamong kriminal na isinampa nina Menorca noong isang taon laban sa INC, dapat na rin ibasura ang petisyon sa CA sa lalong madaling panahon.

Totoo namang “moot and academic” na ang usaping ito. 

‘Pabebe’ na nga lang ang ginagawa nitong si Menorca at abogado niya sa mataas na korte.

Hindi kailangan maging abogado para maintindihan ang isyu at katotohanang ito, ‘di ba?

Why, why, why Delilah?

KAMAKALAWA (Sabado ng gabi), muli na namang naunsiyami ang mga tagahanga ni Tom Jones.

Mayroon kasi siyang live show sa Smart Araneta Coliseum, pero last minute ay nakansela ang show.

Mayroon daw kasing kaanak na maysakit si Tom Jones, kaya kinakailangan niyang kanselahin ang show.

Nadesmaya talaga nang husto ang kanyang mga tagahanga, kasi not once but twice na itong ginagawa ng kumanta ng Why, Why, Why Delilah.

Noong una ay inindiyan niya. Ito ngang pangalawa tiniyak muna ng mga manonood na dumating na si Tom Jones bago bumili ng tiket.

Nakita nga sa TV na dumating si Tom Jones pero nakapagtataka kung bakit kinansela pa ang show.

Marami sa mga audience ay galing pa sa malalayong probinsiya habang ‘yung iba naman ay mga balikbayan.

Mantakin ninyong pagkadesmaya ‘yan?!

‘Yung isang kakilala nga natin, marinig lang daw niya nang live ‘yung “Green, Green Grass of Home” ‘e puwede na siyang… umuwi (hindi naman mamatay hehehe).

Ang huling eksenang namataan natin, nagkantahan na lang ang mga lolo at lola ng Why, Why Delilah…

Why o why nga ba, Ovation Productions?!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com