AlDub, sobrang affected sa Alden-Julie Anne

AFFECTED much ang AlDub nang may lumabas na chikang si Julie Anne San Joseang kasama ni Alden Richards nang dumalaw siya sa burol ng tatay nina Theresa atBing Loyzaga recently.

Sa sobrang affected ay hindi nakatiis ang  fan at talagang tinanong ang dyowa ni Bing na si Janno Gibbs kung kailan nagpunta si Alden at kung totoong kasama nga nito si Julie Anne sa burol ng basketball legend na si Carlos “Caloy” Loyzaga. Ang tapang ng hiya ng fan, ‘di ba naman?

“Saturday ito after ‘Eat Bulaga’. Sabi ko nga kung pagod na siya maiintindihan  namin…kasi napanood ko Kalye Serye…ang hirap ng eksena nila. Pero dumaan pa rin siya. Kasama si Ms. Malou ng EB” sagot ni Janno sa fan.

Big deal ba kung si Julie Anne ang kasama ni Alden? Ano ba ang pakialam ninyo kung sino ang gustong isama ni Alden sa burol? Para kayong mga diktador. Ang lagay pala kung si Julie Anne ang kasama ni Alden ay magwawala kayo sa social media? Masyado kayong mga pakialamero. Baka nakakalimutan ninyong fans lang kayo. Wala kayong karapatang diktahan ang idol ninyo kung sino ang gusto niyang isama sa mga lakaran.

Ang nakakaloka pa, palagi ninyong bina-bash si Julie Anne, wala namang ginagawang masama sa inyo ang dalaga. Kaya ang dami nang naiimbiyerna sa AlDub, ang yayabang at diktador pa.

“Hello Alden! In case you haven’t realized it yet – AlDub Nation is your girlfriend – jealous, possessive, demanding and creepy. Not exactly the kind of gf you want, eh?” say ng isang fan.

“Dyusko ang mga fantard at adn fakers naghalo halo na. Negativity all around. Alden kasi di rin maintindihan kung sakim o ano eh. You could’ve at least stayed a lil more longer sa reception then saglit din sa wake para okay sa mga fans dba. It’s a big event nga naman for your EB dabarkads na nagbigay sayo ng star power. Know your priorities din. Hindi lang din kasi ngayon lang nangyari na nasilipan ka ng fans na nagsasarili at parang nakikiride lang talaga. Eeerr.. Maine can stand alone if kumalas man si Alden,” tili naman ng isang mataray na guy kay Alden.

UNCUT – Alex Brosas