HATAW! D'yaryo ng Bayan hatawtabloid.com
IT’S Final, kakandidatong Presidente ng Pilipinas si Davao Mayor Rodrigo Duterte, nagsabi na siya kamakailan.
Kaya tinanong namin si Vice Ganda via text message tungkol dito dahil tanda namin ay vocal siyang nagsasabi noon na iboboto niya si Duterte.
Ang mabilis na sagot ng TV host/actor, ”ako’y nagmumuni-muni pa, wala pa talaga akong final decision.”
Diretsong tanong namin kay Vice na balitang inalok daw siya ni Mar Roxas.
Mabilis na sagot ni Vice, ”I met up with him (mar), pero wala namang commitments, casual na usap lang.”
Sa tanong kung ano ang masasabi niya kay Mar sa nasabing pag-uusap at ito rin ba ang dahilan kaya nasabi na ni Vice na nagmumuni-muni na siya ngayon kung sino ang iboboto niya? Rati kasi sinabi niya talaga na si Duterte na.
“Type ko rin naman si Duterte, pero wala naman akong sinabing with finality na siya na ang iboboto ko.
“Type ko rin naman sina Mar at Grace (Poe-Llamanzares). Pero wala akong pinagbigyan ng commitment kahit kanino sa kanila. Kailangang pag-isipang mabuti,” sabi ulit ni Vice.
Sino naman sa mga kumakandidatong Vice President ang type ni Vice?
“Dalawa type ko, eh. ‘Di pa rin sure,” mabilis nitong sagot.
So alam mo na Ateng Maricris kung sino ang iboboto ni Vice, read between the lines na lang.
FACT SHEET – Reggee Bonoan
