HATAW! D'yaryo ng Bayan hatawtabloid.com
ANG dami talagang nakare-relate kina Popoy at Basha dahil pati mga taga-ibang bansa ay tinatanong kami kung may world premiere ang A Second Chance ninaJohn Lloyd Cruz at Bea Alonzo dahil talagang pipila raw sila.
Sa totoo lang Ateng Maricris, mga kaibigan at kakilala namin sa iba’t ibang parte ng Amerika at Europe ang nauna pang nakaalam na may sequel ang One More Chance nina Popoy at Basha na hindi namin pinaniwalaan hanggang sa nakita namin ang posts ng taga-Star Magic ng mga litrato nina Lloydie at Bea na nagpo-promote ng librong hango sa titulo ng pelikula nila.
At nabanggit nga raw ng taga-TFC roon na nagsu-shooting na.
Kaya nang banggitin sa amin ng taga-Star Cinema na may Second Chance sina Popoy at Basha ay naalala namin ang kuwento sa amin ng mga kaibigan at kakilala.
Anyway, base naman sa nakaraang presscon nina JLC at Bea ay wala naman kaming naalalang sinabing magkakaroon ng world premiere ang A Second Chance.
Natawa pa kami na naniniwala silang mas maganda pa ang A Second Chancekaysa The Hunger Games: Mockingjay part 2 dahil hindi raw maganda ang ending.
FACT SHEET – Reggee Bonoan
