HATAW! D'yaryo ng Bayan hatawtabloid.com
IISA ang tanong ng netizens tungkol sa viral online na nagpahayag ng suporta si Kathryn Bernardo kay dating DILG Secretary Mar Roxas sa kandidatura nito sa 2016.
Ang iisang tanong ng lahat, ”natiwalag na ba si Kathryn sa Iglesia Ni Cristo?”
Yes Ateng Maricris, ito rin ang pumasok sa isipan namin dahil paano nga napapayag si Kathryn na mag-endoso ng isang kandidato kung wala pa namang inihahayag ang pamunuang ng INC?
Nagtanong kami sa taga-Central Office ng Iglesia Ni Cristo at nabanggit nga na may hiningan ng payo ang mommy Mhin Bernardo ni Kathryn.
“Actually nagtanong naman ang mommy ni Kathryn kung paano ang gagawin at pinayuhan siya na magpaalam sa Central tungkol dito at kung paano ang gagawin. Siguro nagpaalam na sila at binigyan ng basbas kaya siguro nagawa ni Kathryn na mag-endoso. Mahirap kasi ang mga ganyang kaso, ang pamunuan lang ang nakaaalam.”
Sabagay, saradong Iglesia Ni Cristo ang pamilya ni Kathryn, baka nga naman nagpaalam siya bago gawin ang page-endoso kay Mar sa online.
Bukold sa KathNiel ay nagpahayag na rin ang ilang celebrities na suportado nila si Mar sa pagka-Presidente sa 2016.
Ang mga celebrity ay sina John Prats, Billy Crawford, Jay-R, Kris Lawrence, Ramon Bautista, Carla Abellana, Karylle, Jason Francisco, Mela Cantiveros, Chokoleit, MC, Lassy, Donita Nose, at James Yap.
FACT SHEET – Reggee Bonoan
