HATAW! D'yaryo ng Bayan hatawtabloid.com
SOBRANG tindi ng kasikatan ngayon ni Alden Richards mula nang pumutok ang Kalyeserye nila sa Eat Bulaga nina Yaya Dub aka Maine Mendoza at tatlong Lola. Bukod sa noontime show ng TAPE Incorporated, patok din ang album ni Alden, kaliwa’t kanan ang commercials niya, at kasama rin siya sa pelikulang My Bebe Love (Kilig pa More) na isa sa entry sa Metro Manila Film Festival 2015 na tinatamapukan ni Vic Sotto at Ai Ai delas Alas, plus Yaya Dub.
Ayon sa Kapuso aktor, ipinagdasal niyang duma-ting ang araw na ito, ngunit hindi niya raw inaasahan na ganito kabilis at katindi ang suwerteng darating sa kanya.
“I prayed for this moment sa career ko po, ipinagdasal ko siya na dumating. Pero hindi ko naman po ini-expect na it would happen this fast. So, every day na magho-host ako sa Eat Bulaga, iyong mga tao, I still get overwhelmed,” saad niya.
Aminado si Alden na isa siyang workaholic. Kaya kahit sobrang hectic ng kanyang schedules ay walang kaso ito sa actor. “It’s my decision po to do these schedules, to commit myself to a lot of schedules, kasi workaholic po ako. Hinahanap siya ng katawan ko every time, so I really don’t mind. Okey naman po ako makatulog lang ng eight hours, kaunting masahe, kaunting gym, okey na po ako,” nakangiting wika ni Alden.
Kamakailan, ipinakilala si Alden bilang endorser ng Snow Caps Glutathione Capsule. Ika-walong endorsements na pala ito ni Alden. Nilinaw ni Alden na ang Snow Caps ay hindi lang pampaputi, kundi mabisang anti-oxidant din. “Before po kasi, mga multivitamins ang iniinom ko. At least ngayon po, mayroon nang pandagdag sa mga iniinom ko to boost my immune system. Kasi hindi lang naman siya whitening talaga. Ang glutathione is really an antioxidant.
“Iyong whitening is the good side of it. So, nakatulong lang din. It’s best to take it in the morning, kasi ‘yun ang peak ng stress level natin. They have stabilized my mood everyday. Of course at the same time, it’s anti-oxidants.”
Ukol naman kay Maine, sinabi ni Alden na nasa getting to know each other stage sila ngayon ng dalaga. “I’m starting to get to know her more and, I think, it’s gonna be… Masarap siyang katrabaho. Totoo siyang tao, e. Hindi fake. Hindi siya showbiz,” esplika ng aktor na binansagang Pambansang Prince Charming ng Snow Caps Glutathione.
ALAM MO NA! – Nonie V. Nicasio
