Ulo ng motorcycle rider pisak sa bus

PATAY ang isang motorcycle rider makaraan mahagip at magulungan sa ulo ng isang pampasaherong bus sa Ople Road, Brgy. Bulihan, Malolos, Bulacan kamakalawa.

Kinilala ang biktimang si Daniel Dionisio, 28, residente ng Brgy. San Pedro, Hagonoy, sa naturang lalawigan.

Ayon sa ulat  ng Malolos Police, lulan ang biktima ng kanyang motorsiklo nang mahagip ng bus ng Golden Bee Transport na minamaneho ni Eduardo Luna, residente ng Pulilan, Bulacan.

Nabatid na papunta ang bus sa direksyon ng Paombong habang ang motorsiklo ay patungo sa Mac Arthur Highway, sa Malolos.

Sinasabing kinain ng bus ang linya ng motorsiklo na ikinawala ng kontrol nito hanggang matumba ang biktima at nasagasaan ang kanyang ulo ng kaliwang hulihang gulong ng bus.

Ang driver ng bus na nakadetine sa Malolos City jail ay nahaharap sa kasong reckless imprudence resulting in homicide and damage to property.