HATAW! D'yaryo ng Bayan hatawtabloid.com
PINAGLARUAN sa social media ang ipinakitang video clip ng isang portion sa ASAP noong nakaraang Sunday, na may news update na iniulat tungkol sa aksidente ni Gerald Anderson.
Magkakasama sina Maja Salvador, Kim Chiu, at KC Concepcion sa naturang portion. Si KC ang nagbibigay ng news update.
Sari-sari ang mga komento at reaksiyon lalo na sa aktong bungisngis lang ng bungisngis si Kim habang si Maja ay kinakalabit si Kim to say something daw.
Ayaw naming isipin na may kung anong hindi maganda sa reaksiyon ng dalawang exes ni Ge (tawag kay Gerald), pero parang hindi nga magandang sila pa ang isinalang sa naturang portion lalo pa’t hindi naman nakatutuwa ang ganoong balita tungkol sa aksidente ng isang Kapamilya nila, ‘di ba mare?
AMBETIOUSLY – Ambet Nabus
