Gerald, inapi at ‘di welcome sa concert ni Jed

ni Roldan Castro

NAAWA kami sa Pinoy Pop Superstar Champ na si Gerald Santos dahil inapi siya sa concert ni Jed Madela sa Music Museum noong Friday. Maayos naman ang billing at kinalalagyan ng picture niya sa poster bilang guest pero pakiramdam namin ay hindi siya welcome sa naturang concert.

Una, ayaw nilang pagamitin ng areglo si Gerald at minus one lang samantalang ‘yun ang ipinahanda ng Pink Productions. Ang the height ang gustong mangyari ng manager ni Jed ay gawing front act ng concert ni Jed si Gerald.

Hindi naman puwedeng makipagtalo ang manager niyang si Doc Rommel dahil hindi siya nakipag-coordinate kundi ang producer ni Gerald sa kanyang concert sa PICC Plenary Hall sa June 13 na Pink Productions sa kampo o producer nina Jed.

Hinayaan niyang ang Pink ang umayos ng pambabastos ng production ng concert ni Jed. Hindi na rin sana magpe-perform si Gerald kung front act lang din siya ni Jed. Na-disappoint tuloy ang Pink Productions sa treatment ng manager ni Jed kaya hindi na nila ikino-consider ang matabang singer na maging guests sa anumang concert ni Gerald.

Para namang nakapanliliit sa sarili ang treatment nila kay Gerald. Nagkaroon naman ng mga solo concert si Gerald maski sa Music Museum, Skydome, at ngayon sa PICC, tapos, gagawin lang siyang front act. Hello naman! Nagkaroon din ng apat na album si Gerald.

Hindi rin matatawaran na 4 consecutive years na na-nominate siya bilang Best Male Concert Performer ( 2011-2014 ) sa Aliw Awards at maging sa Star Awards for Music.

Tumanggap na rin siya ng awards bilang Male Pop Artist at na-nominate na ring Recording Artist of The Year.

Hindi nga napuno ni Jed ang Music Museum noong Friday para maliitin nila si Gerald.

Hay naku!