HATAW! D'yaryo ng Bayan hatawtabloid.com
WALONG taon na pala ang nakararaan nang unang gumawa ng album si Kim Chiu kaya naman tuwang-tuwa ito nang magbalik-recording. Kamakailan inilunsad ng Star Music ang bagong album niyang Chinita Princess.
Bale ito ang unang solo album ni Kim matapos mai-release ang first album niyangGwa Ai Di noong 2007.
Ang Chinita Princess album daw, ani Kim, ay ang pagpapahayag ng nararamdaman niya ngayon lalo na ang positibong pagtingin niya sa buhay. ”I’m glad I was given a chance to express my opinion. At least, the songs here are more personal,” giit pa ni Kim na inihahandog niya ang mga awiting nakapaloob sa album sa kanyang mga tagahanga, mga kabataan, at sa young at heart.
Si Rox Santos ang overall producer ng Chita Princess. Bahagi sa traklist nito ang latest single ni Kim na Mr. Right, Darating Din, ang revival ng Wala Man Sa ‘Yo Ang Lahat ni Myrus, Express Yourself, Say We Don’t Care, at Someday (Crazy Love), isang remake ng kanyang 2007 hit. Bahagi rin ng album ang minus one version nglahat ng mga kanta.
Samantala, hindi pa rin nababago ang taguri nina Kim at Xian Lim sa kanilang relasyon, ang special relationship”. Basta ang mahalaga kay Kim maligaya sila na magkasama at kontento sa kung anong mayroon sila sa ngayon.
ni Maricris Valdez Nicasio
