Kasalang Empress at Vino, pinaplano na

 

ni Roldan Castro

YUMMY pala ang non-showbiz boyfriend ni Empress Schuck na ama ng kanyang dinadala. Biruan nga na kahit sino naman kung ang tipo ni Vino Guingona ang bf ay magpapabuntis talaga. Si Vino ay apo ni former Vice President Teofisto Guingona Jr. at pamangkin ni Senator Teofisto Guingona III.

Isang modelo si Vino at na-feature noong 2011 sa Cosmopolitan Philippines bilang ‘summer hunks’.

Masaya si Empress dahil hindi siya iniwanan ng bf noong panahong kailangan niya ng karamay at hindi pa alam ng parents niya ang kanyang kalagayan.

Hindi pa pinag-uusapan ang kasal dahil ang focus nila ay sa baby. Basta magkatuwang daw sila na palakihing malusog ang anak nila.

Ang wedding daw ay pinaplano, kailangang pag-usapan at paghandaan dahil isa na naman itong responsibilidad. Pero wish din niya na sila rin ni Vino ang magkatuluyan sa bandang huli. Hindi naman daw niya nakikita ang sarili niya na may kasamang iba.