ATM hacker nanalasa sa Marikina

LAKING gulat ng isang 53-anyos may-ari ng tour agency nang ma-withdraw ang kanyang P25,000 cash ng tatlong ulit ng hinihinalang miyembro ng ‘ATM hacker’ sa Marikina City habang siya ay nasa abroad.

Sa ulat na tinanggap ni Senior Supt. Vincent Calanoga, hepe ng Marikina City Police chief, kinilala ang biktimang si Estrella Dy, nakatira sa lungsod ng Marikina.

Ayon kay SPO1 Engelbert Aniciete, natuklasan ni Dy na withdraw ang kanyang cash sa savings account na naka-deposito sa Banco de Oro (BDO) sa J.P. Rizal St., Brgy. Sta. Elena sa lungsod.

Nabatid sa record ng banko, tatlong ulit na-withdraw gamit ang ATM, ang nasabing halaga bagama’t nasa abroad ang biktima at hawak ang kanyang ATM card.

Humihingi na ang Marikina PNP sa BDO ng kopya ng footage ng closed-citcuit television camera para matukoy ang suspek.

Ed Moreno